ارجو الافاده بخصوص جنوط 16 في نوبيرا
 

السلام عليكم
كنت عاوز اعرف هل ينفع اركب جنوط 16 في نوبيرا 2005 وهل هيكون ليها تاثير علي العربيه والعفشه وهل الافضل 15 ولا 16 مع العلم ان الجنوط الاصلي عندي 14 ولو هركب هيكون مقاس الكاوتش ايه عشان ميحكش في العربيه
المقاسات اللي عندي
14/65/185SLAM

رد: ارجو الافاده بخصوص النوبيرا
 

بص الافضل من حيث الشكل والثبات الجنوط ال 16
والافضل من حيث التوفير والنعومة ال 14 اللى انت مركبه
وال 15 هتبقى مسكت العصاية من النص

وبالنسبة للحك متعرضش اكتر من 195

يعنى مثلا هتجيب 16/55/195

بالنسبة للعيوب العفشه هتبقى انشف بس ثبات افضل بكتير
بلى العجل هيستهلك معاك اكتر ومكونات العفشه عموماً بشكل نسبى واخيراً سعر الكاوتش اغلى طبعاً
ومبروك مقدماً :fun_36_3_11[1]:

رد: ارجو الافاده بخصوص جنوط 16 في نوبيرا
 

السلام عليكم.
أولا ما حدش يعرف يقولك ان كان الماوتش هيحك و الا لأ لأن ده يعتمد علي المساحة الفاضية تحت الرفرف و اللي بيتحرك فيها الكاوتش.
المهم أسلم حاجة تبص علي القايم اللي بين البابين الشمال تحت عند العتب المفروض تلاقي المقاسات الي بيفضلها صانع السيارة. لو ما لاقيتش أو اتشالت و أنت بتدهن مثلا يبقي ما قدامكش غيير الحسابات.
لو ركبنا ال 195/55 -15 العربية هتوطي 1.75مم و عرض الكاوتش هيزيد 10 مم (1 سم). ومش هتلاقي لا حك و لا حاجة خالص.
لو ركبنا 205/50-16 العربية هتعلي عن الأرض 7.7 مم و عرض الكاوتش هيزيد 20 مم (2 سم) و 90% ان شاء الله مش هتحك و ان كان في احتمال انها تحك.
الفايدة يا برنس انك يسستحسن تركب ال 15 عشان تضمن ما تحكش و كمان سعره معقول. لكن لو الفلوس مش فارقة معاك روح علي ال16 و شكل العربية هيكون عالمي و الثبات و الفرامل ما حصلش لكن العفشة هتكون ناشفة لحد كبير و هتأثر طبعا علي عمر العفشة لكن مش هتحس بييه. و ربنا يوفقك و ابعتلنا صور العربية لما تجنط.

رد: ارجو الافاده بخصوص جنوط 16 في نوبيرا
 

بجد شكرا ليكو انا لحد الان متردد بتاع الكاوتش قالي ان 16 هيبقي انشف شويه بس مجابليش حكايه انه يحك ف العربيه انا كنت عايز اعرف لو حضرتك كنت مكاني هتركب 15 ولا 16
كان عندي سؤال بخصوص لمبات الشبورة بتاعه العربيه كنت عايز اركبهم زينون بس مش عارف رقم اللمبه كام عشان مقاس اللمبه وشكل القاعده بتاعتها فياريت لو حد عنده فكره بجد يبقي مشكور وشكرا علي ردودكم المميزه:CHUBBY~36:

رد: ارجو الافاده بخصوص جنوط 16 في نوبيرا
 

أنا لو مكانك هركب 16 وش. لأنه مش فار قكتير عن ال 15 في انه ناشف أو طري.