مشكلة فتيس الــ 27 و المغامرات اللى انا عايش فيها
 

السلام عليكم ... كتبت قبل كدة عن مشكلة الفتيس فى العربية الـ 27 و رد عليا الهولندى الطائر (مشكورا) انتهت بانى نزلت عزبة شلبى و اشتريت فتيس من مكنه ايطالى (بـ 650 جنية) و سافرت بيه على الغردقة و اتبهدلت آخر بهدلة ... المهم ... اول ما وصلت عند الميكانيكى صدمنى .. قال لى مش هو ده الفتيس القديم فية قلعدة بمسمارين 19 و ده ما فيهوش .. لازم ترجعه ... ارجع مين يا عم دا انا جايبه من القاهرة و اتمرمطت بيه .. اخر مرمطة ..... المهم بعد شوية مكالمات تليفون مع صاحب محل قطع الغيار و الميكانيكى اللى فى القاهرة اللى كان معايا ... قالوا لى خلية يحل الوش القديم اللى فيه القاعدة اللى بمسمارين 19 و يركبة فى الجديد و كله حيبقى تمام .... المهم صاحبنا الميكانيكى المبدع عمل كدة و راح قايللى على الصدمة التانية ..... برضه مش حينفع .. لية يا عم الحاج ؟؟؟؟ قال المارش مش راكب على البلام .. و ما فيش حل غير انك تجيب فتيس تانى يركب على المارش بتاعها (مش عارف هو كاره الفتيس الجديد لية ؟؟) المهم بعد شوية تليفونات .. قلت له ما فيش غير حلين الأول :: انك تشوف كهربائى يظبط المارش او يغير ترس عشان يركب على البلام .. يا اما تفك المارش و البلام و طقم الدبرياج و انزل القاهرة و اغير مل اللى محتاج يتغير ... صاحبنا قعد يولول .. انه هيحل تانى .. المهم تانى يوم جاب كهربائى و عمل عليا حوار و قالى لى العيب فى القلة ... اصل فية قلة طويلة و قلة صغيرة ... و حنركب لها مارش 28 بـ 220 جنية .. المهم قلت له ماشى موافق .... رجع قالى المارش بعد ما ركب بيزعق .... الكهربائى ركب المارش القديم بس ربطة على مسمار واحد ..لأنه لو ربطه على مسمارين مش حيشغل العربية .... مش فاهم بقى هو بيشتغلنى وللا اية ؟؟؟؟؟؟

رد: مشكلة فتيس الــ 27 و المغامرات اللى انا عايش فيها
 

حل الفتيس الجديد ورجعه او تيجى هنا بالعربية علشان تشوف حل
السعر ده كمان غالى اوى كان ممكن تجيبه على 400 جنيه
لازم اللى باعلك الفتيس يشوف العربية وهو اللى يقولك على الصح
ربنا معاك

رد: مشكلة فتيس الــ 27 و المغامرات اللى انا عايش فيها
 

شكرا على ردك ..... بس ارجع الفتيس ؟؟ دى صعبة جدا .. وما اقدرش احرك العربية من الغردقة للقاهرة لأنها لازم تتقطر رايح جاى و دى تكلفة عالية .. هو الميكانيكى قالى لى الفتيس راكب و شغال و المارش القديم مربوط على مسمار واحد و مشغل العربية .. انا خايف استلمها و المارش يتحرك او يتقلقل فى مكانه و العربية تقف تانى .. انا جايبها اتعلم السواقة عليها الحمد لله بقيت بتعلم ميكانيكا

رد: مشكلة فتيس الــ 27 و المغامرات اللى انا عايش فيها
 

والله يا اخى ربنا معاك انا مريت بتجربة زى دى من حوالى 4 سنين وكانت اول عربية اشتريها فى حياتى وبردة كان فيها حوار مع الفتيس وصرفت كتير لغاية لما اتظبط وبردة اتعلمت كتير وربنا وفقنى بعد فترة وبعت العربية بس بعد لما استويت بس الكلام دة فادنى بعد كدة لما جيت اشترى عربية تانية وصبرت اوى لحد لما عرفت اجيب عربية سليمة وهى معايا دلوقتى 127 توب بس الله اكبر عليها من ساعة ما جبتها مقلتش معايا خالص على العموم ربنا يوفقك للى فية الخير ويجنبك نصب واشتغالات الصنايعية ؟؟؟؟:CHUBBY~36::CHUBBY~36 :