مصر موتورز مجتمع السيارات - مشكلتي مع الدركسيون .. ساعدوني

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - مشكلتي مع الدركسيون .. ساعدوني (https://www.masrmotors.com/vb/showthread.php?t=98968)

مشكلتي مع الدركسيون .. ساعدوني

السلام عليكم و رحمة الله و بركاته

انا بدأت و لله الحمد اتعلم السواقة دلوقتي ، في مدرسة سواقة و دي الحصة الخامسة ليا
استجابتي للتعلم بفضل الله كويسة جدا علي حد قول المدرب بتاعي
مشكلتي الكبري و اللي مش عارفة اسيطر عليها هي تظبيطي لعدلة الدركسيون بتاعي
كل شوية العربية تحدف مني يمين او شمال
بس انا مبحسش بكدا .. الاقي المدرب قاعد جمبي مبيشيلش ايده من علي الدركسيون و انا سايقة
كل شوية يضظبطلي زوايا الدركسيون
.؟؟؟

و يقولي ان الموضوع sense بينك و بين العربية و الطريق
و دي حاجة مبنعلمهاش دي محتاجة مهارة منك
و بيقول ان الدركسيون عندي ضااايع

..

كمان حاجة مهمة .. بيقولي خدي بالك من المرايات و انتي سايقة
و انا لما بقعد ابص علي المرايات كتير بتشتت
؟؟

اعمل ايه؟؟

..

غير كدا الحمد لله عندي ثقة بالنفس عالية جدا و مش بخاف بفضل الله
و باجي ادوس بنزين يقولي لاء اهدي شوية

..

اعمل ايه بقي في مشكلة الدركسيون دي ؟؟
بالله عليكم تفيدوني

رد: مشكلتي مع الدركسيون .. ساعدوني

متقلقيش كلنا كنا كده واصبرى على نفسك شويه ومتستعجليش
وكويس جدا ان ثقتك فى نفسك كويسه حافظى على ده لانه من اهم العوامل فى الشارع المصرى عشان ان شاء الله لما تتعلمى كويس وتنطلقى هتلاقى نفسك فى معركه يوميه لحد ما تروحى وطبعا اهم حاجه الشجاعه فى الحروب:fun_10_9_206[1]:
وطبعا كمان لازم تدربى نفسك على البرووووووود:062059~133:
وموضوع المرايات ده يعنى متركزيش فيه كتير دلوقتى لانك لسه فى البدايه خالص وطبيعى بتمشى بالراحه وع اليمين مش محتاجه تشغلى نفسك بيه دلوقتى عشان تركزى فى اللى ادامك كويس وبعدين نبص فى المرايات
والدركسيون بييجى بالتدريب مره على مره حاولى تنزلى فى مكان فاضى خالص مثلا الصبح بدرى ولفى بالراحه عشان تحسى بالدركسيون ويا سلام لو جمبك رصيف افتحى الشباك واتحركى جمبه بالراحه جدا شمال ويمين وقربى وابعدى عنه عشان تحسى بالمسافه المناسبه للفه بس خلى بالك متدخلش فيه الله يكرمك

واخيراً ..... كله بييجى بالوقت ونصيحتى متستعجليشSLAM

رد: مشكلتي مع الدركسيون .. ساعدوني

زى ماقالت queen كله مع الممارسة و فعلا اهم حاجة تتعلميها انك تمشى جنب الرصيف لان الحركة دى بتفيداوى فى موضوع التحكم و تخلى ديما انتى الى متحكمة مش العربية هى الى تتحكم فيكى و الدركسيون لما يرمى منك خلى عندك سرعة فى انك تعدليه

رد: مشكلتي مع الدركسيون .. ساعدوني

اقتباس:

المشاركة الأصلية كتبت بواسطة queen (المشاركة 769162)

جزاك الله خيرا يا queen ، هي كل المشكلة ان المدرب بتاعي معقدني من موضوع الدركسيون دا
كل حصة يقولي الدركسيون عندك ضايع و مينفعش كدا
انا دلوقتي معاكي و بعد كدا هتكوني لوحدك
و انا لسه مجبتش عربية .. يدوب بتعلم السواقة عشان ان شاء الرحمن اجيب عربية قريب
..
و المفروض انه عارف ان انا لسه جديدة و لسه بتعلم .. ميظغطش عليا في موضوع الدركسيون دا نظام تعقيد يعني
محسسني ان انا في المستحيل
..
ربنا يكرم ان شاء الله .. و الحمد لله ان انا بستجيب بسرعة لقواعد القيادة
فمش عارف يزعقلي بقي .. و حلو كدا عشان متتشدش اعصابي

..

و شكرا ليكي جدااا يا queen

رد: مشكلتي مع الدركسيون .. ساعدوني

اقتباس:

المشاركة الأصلية كتبت بواسطة Loay94 (المشاركة 769174)

جزاك الله خيرا يا لؤي .. ياريتني و الله امشي جنب الرصيف .. المدرب مش مديني فرصة احاول اتحكم في الدركسيون .. قلقاااان مني :sycho26: ههههههههههههه
خايف علي نفسه بقي العمر مش بعزقة
و ربنا يستر بقي و متكسبفينيش يا صنارة ههههههههه SLAM