المارش بيدى صوت تكه
 

السلام عليكم ورحمه الله وبركاته لما باجى ادور العربيه الصبح المارش بيدى صوت تكه ولازم احمل عليه علشان يبدا يدور اصلحه ولا اريح دماغى واشترى واجد استيراد احسن

رد: المارش بيدى صوت تكه
 

حاجه من اثنين
يا اما البطاريه ابتدت تودع وتموت وده تعرفه لما تيجي تدور الصبح خد وصله من بطاريه تانيه لو دارت بدون مشاكل هتبقي البطاريه لو جافه تعايش معاها لحد ما تبوظ خالص وتبدلها لو سائله اكشف عليها وزود لها ميه مقطره لو لزم الامر مظبطه ميتها روح لبتاع بطاريات يصلحهالك ممكن تكون الميه اللي فيها فسدت وعاوزه تتغسل وتغير الميه بالكامل
لو السيبب اللي فات نصيحه حاول جيب عازل حراري وتلف فيه البطاريه من ثلاثه جوانب من ناحيه الماتور واترك باقي الجوانب ليتم تهويه البطاريه وتبريدها من الحراره الداخليه لها

لو مكنش عيب بطاريه لازم تروح لكهاربائي يفك المارش ويكشف عليه ممكن يكون عيب لقاط او يكون عيب جلب مارش

رد: المارش بيدى صوت تكه
 

غير اوتوماتك المارش فقط

رد: المارش بيدى صوت تكه
 

الاوتوماتك بتاع المارش عايز صيانه بس
الكهربائي بيحله وينضفه ويغيرله شربون وبيرجع جديد

رد: المارش بيدى صوت تكه
 

اخى الكريم الشربون بيكون فى قاعدة الدينامو مش فى الـ اوتوماتك
الاوتوماتك مش بيتصلح وانما بيتغير