|
عاوز اغير عفشه العربيه اجيب جديد ولا استيراد
السلام عليكم ورحمه الله وبركاته العربيه لما بعدى على طوبه بحس بيها فى الشارع وحاسس ان المساعدين بقوا مش شغالين وتقال اوعى عاوزين اغير العفشه اعمل ايه وايه الحاجت اللى اجبها ومنين وسعرها يبقى كام علشان اعمل جمعيه وربنا يسهل ولو مشيت بالعربيه كده الشاسيه هيفتح منى
|
رد: عاوز اغير عفشه العربيه اجيب جديد ولا استيراد
انا هاؤلك على حاجات العفشة وتغير اللى محتاج يتغير والسليم تسيبة ما فيش داعى للتغيير
اسكاترا دركسيون صينى بـ 220 جنية جوز بارات تركى 40 جنية جوز مقصات تركى 120 جنية جوز مساعدين صينى 150 جنية السوست هات استيراد امامى وتغير كل الجلد (طعمية - ميزان ) اما العفشة الخلفية هاتفك السوست وتقنطرها عند حداد سوست وخليها على وضع الفابريكة سوستين كبار بلاش السوستة الثالثة دى عشان بتخلى لعربية ناشفة من ورة وانت بتركب السوست بعد القنطرة تحط شمبر بتاع كاوتش داخلى بنهم وشوية شحم تقيل بس مش عاوز تعلى العربية اوى من ورة خليها اعلى من ادام بحاجة بسيطة وهى مع التحميل هاتوطى تبقى طبيعية وهات جوز مساعدين خلفى بس مش عارف بكام والله |
| الساعة الآن 02:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017