تجربه تغير الدينامو
 

كالعاده مع العربيه اللى مطلع عينى روحت للكهربائى قالى الدينامو عامل قافله هات واحد من عزبه شلبى روحت هناك جبت دينامو شاهين ب200 جنيه وكان فيه بيدا من160 بس انا جبت من واحد عنده مواتير بس خلعه من ماتور والحمد لله :cry2W9:

رد: تجربه تغير الدينامو
 

ألف مبروك
بس ما فيش حاجة اسمها الدينامو عامل قافلة
اخوك عامل دكتوراه فى الدينامو وخبرة زى اسماعيل يس لما فك الطيارة
اما سيليكونات او مثبت الجهد/منظم الجهد تالف -
السيليكونات بتتغير
بس لرداءة الموجود فى السوق المشكلة بترجع تانى مع 50 فى المائة من الناس
والمنظم غالى قوى بسبب طمع بتوع قطع الغيار
اردت فقط توعيتك بالنقطة دى
هى ان الكهربائى استسهل
والقديم تقدر تصلحة وتستفيد بيه بطريقتين
تتعلم فيه تفكه وتعرف كل جزء فيه وتختبره وتقيسه بالافو
وتغير التالف وهيشتغل

رد: تجربه تغير الدينامو
 

معلش يا دكتره انا عندى مشكله فى الكهرباء لمبة الدينمو كل طول منا ماشى منوره لمل ادوس بنزين اللمبة نورها يقل و لما ارفع رجلى من على دواسه البنزين نور اللمبة بيزيد رحت لكهرباء غيرلى الكاتاوت بكتاوت جديد و لسه الموضوع دا موجود ماذا افعل باالله عليك لان تعبت من الموضوع دا لسه شارى بطاريه و خايف عليها

رد: تجربه تغير الدينامو
 

لما اللمبة تنور يبقى فيه مشكلة

اول متهم هو الكتاوت ( منظم الجهد - مثبت الجهد )

لازم يكون البديل سليم ولو تعبان او بيهيس هتفضل المشكلة
لان اغلبية الكهربائية بياكلوا عيش بجهل وهبل

يحطلك اى كتاوت عنده مهو عايز يبيع ويشتغل ويكسب فيك

هات كتاوت جديد

وشوف

المتهم التانى سيليكونات الدينامو ( ماتت )

غير السيليكونات هتلاقى اللمبة طفت

السيليكونات لما بتبوظ التيار بيرجع من البطارية على الدينمو واللمبة تنور تقولك مشكلة


والله أعلم


متابع معاك

رد: تجربه تغير الدينامو
 

متشكرين يا دكتور