اكبر غلطه تصليح الفتيس علشان الناس تستفاد
 

السلام عليكم ورحمه الله
الفتيس مكنش مبيجيب غيارات خالص المهم روحت للميكانيكى قالى نفك الفتيس فكينا الفتيس ورحت وديته للراجل اسمه هايل فى محطه محمد فريد فى شارع احمد حلمى قالى هركبك نص معدل ب350 بالحاجت والمصنعيه قولت ماشى روحت للمكيانيكى ركبلى الفتيس وخد 100 جنيه المهم كده 450 وزيوت ب50 يبقى 500 ركبت الفتيس مش حاسس ان الفتيس اتغير فيه الصوت بس بس هو هو نفس الفتيس المهم دخلت فى قصه 600 جنيه بالمواصلات وحاسس ان الفتيس مش ميه ميه برده المهم كلمت استاذ طارق رد عليا بعد عذاب قالى ب500 الفتيس وقررت انى مش هصلح الفتيس تانى وهابقى ارميه واجيب واحد استيراد احسن والحمد لله على كل شى

رد: اكبر غلطه تصليح الفتيس علشان الناس تستفاد
 

ألف مبروك على الفتيس وحل المشكلة
بس ارجو انك ما تخدش هذه التجربة تعميم وقاعدة
لانى ببساطة مررت بالتجربة معايا ومع اخويا
الفتيس فيه مشكلة فى الغيار الثانى
بتوع مشيخة الفتوى كل من هب ودب قال غير الفتيس
رحت فكيته عند واحد مخضرم وفاهم
وغيرت الترس ب 100 جنيه والفتيس شغال عشرة على عشرة وبقى اجمل وانعم من الاول
ما تخليش غباء وعدم ضمير او ما تخليش قلة خبرة الميكانيكى او بتاع الفتيس
يوصلك لنقطة ان الاستيراد هو الحل

لا

لان هو ده اللى عايزه كل ميكانيكى
يبدل
انما يصلح لا
علشان يكسب بسهولة وما يتعبش

اما اخويا حصل معاه زى حضرتك كده غير ترس والفتيس فضل زى ما هو واضطر يركب فتيس استيراد

بعد كده لفت الايام وباظ الفتيس الاستيراد
اخدنا القديم وصلحناه وركبناه واشتغل عشرة على عشرة

وفى النهاية اقول لحضرتك

لو الفتيس بتاعى حصل فيه حاجة
انا اللى هفكه وهطلعه حته حته واشوف فيه ايه وهغيره بايدى
هو الميكانيكى ده بيخترع الذرة

للاسف هما بيدخلوا فى عقولنا أفكار مش صحيحة

اهم شىء ميكانيكى صح
وقطعة غيار سليمة
وهتلاقى المشكلة اتحلت

انما لو مستعجل ووقتك ضيق يبقى اللى انت عملته هو الصح
الاستيراد - ركب وطير

واشكرك عل نقلك للتجرية
وارجو ان تتقبل كلامى على انه نوع من المشاركة لحضرتك وليس اعتراض
خالص تقديرى واحترامى

رد: اكبر غلطه تصليح الفتيس علشان الناس تستفاد
 

معلش ... الواحد مبيتعلمش ببلاش
انا من انصار التصليح لغاية لما الحاجة تجيب اخرها .... و بعدين ممكن نفكر فى تركيب حاجة استيراد
فيه حاجات كتير ممكن تتصلح ببساطة .. و توفر عليك ثمن قطعة جديدة

رد: اكبر غلطه تصليح الفتيس علشان الناس تستفاد
 

الله ينور عليك
انا معجب جدا بالى يحب يشتغل بنفسه ... انا بحاول اعمل اغلب الحاجات بنفسى ... بس المشكلة انى ساعات كتير بعك و ببوظ الدنيا

حضرتك تعرف واحد كويس فى اصلاح الفتيس ؟؟؟ و يكون راجل محترم كدة !!! علشان لما ابوظ الفتيس بتاعى ممكن هو يصلحهولى تانى ؟ :014FDA~117:

رد: اكبر غلطه تصليح الفتيس علشان الناس تستفاد
 

بس فى الصعيد لانى من الصعيد
اعرف واحد كويس جدا
لو حبيت اوصلك بيه
انا فى المنيا
وتحت امرك
تقبل فائق احترامى