مصر موتورز مجتمع السيارات - تقرير عن الاكسنت ار بى2012

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - تقرير عن الاكسنت ار بى2012 (https://www.masrmotors.com/vb/showthread.php?t=98425)

تقرير عن الاكسنت ار بى2012

بسم الله الرحمن الرحيم

استلمت امس سيارة اكسنت ار بى من توكيل هيونداى بعد سلسلة من الحيرة والبحث الدائم عن افضل السيارات التى يمكن اقتنائعا لفترة قعدت ستة شهور اللى يقولى صينى على يبانى على كورى على ماليزى بمختلف سيراتها فى حدود١٠٠ الف جنية والحمد لله فى النهاية استقريت على اكسنت اربى ....

السيارة عاملة معايا 192 كيلو متر لغاية دلوقتى فدة هيكون تقرير مبدئى عن قيادة السيارة والمميزات والعيوب وانتظروا التقرير بعد ١٠٠٠ كيلو ان شاء الله

انا هشرح مواصفات السيارة ثم المزايا والعيوب بما يرضى الله لانى جربتها سواء داخل المدينة او على الطرق السريعة لانى من محافظة بنى سويف واستلمتها من القاهرة ورجعت بيها

اولا مواصفات السيارة :
انا جايبها اتوماتيك اول فئة اللى مفيهاش اى بى اس وايرباج عاملة ١٠٦.٥ الف جنية ودة اللى يختلف فقط عن باقى الفئات وانا عموما كدة كدة مش بحب الى بى اس لكن يوجد بها كماليات عديدة مثل باور وسنتر لوك وزجاج كهرباء وتكييف ثلاجة وسى دى وراديو اف ام ومدخل يو اس بى ومرايات كهرباء والتحكم فى كرسى الامامى دى كانت المواصفات العامة للسيارة
ثانيا المزايا والعيوب
1-المزايا :
1-الشكل الداخلى اكثر من رائع يحسسك بالثقة والفخامة

2-الشكل الخارجى تحفة فنية وملفتة جدا جدا لدرجة كذا واحد كان ماشى جنب العربية بيقارنها بهيونداى النترا من حيث الشكل وكمان كانوا فية ناس بتتلغبط بينها وبين الالنترا
3-السحب بتاعها جيد جدا يوحى بقوة اداء الماتور

4-من حيث الوسع فية جيدة من حيث الوسع الداخلى يعنى انا كنت مركب 4 افراد امبارح وكانوا اللى فى الكنبة الخلفية لايقل طولة عن ١٨٠ سم وكانوا قاعدين مستريحين بس مش هينفع خالص تذود عن كدة فى عدد الافراد

5-ثابتة جدا فى الملفات لان الباور بتاعها عالى

6-بما انى كنت جاى مسافر بيها ومع انها لسة جديدة مكنتش اقدر اذود عن ١٠٠ كيلو للسرعة لان الماتور بيلين بس هيا كانت ثابتة ثبات خرافى والله ومش هقدر احكم غير لما اجرب على السرعات العالية

7 - خامات التابلوة رائعة والتقفيل جيد ومنظر التابلوة رائع بالذات فى الليل

8والله العظيم النقطة دى انا ما بكدف فيها ابدا لانى قرائت كتير عليها ومكنتش مصدق اللى حصل معايا وكلام يشهد علية المولى عز وجل بالنسبة للمطبات والعربية واطية وكدة انا كنت محمل ثلاثة ورا فى الكنبة وكنت بتعمد اروح عند المطبات والله ما فى واحد حك فيها بالمرة ومكنتش مصدق وكانت فية مطبات رخمة كنت راكب قبل كدة النترا 2oo8 الشكل القديم كانت بتحك فى نفس المطبات اللى رحتلها مع انها مكنتش محملة وكمان واحد صاحبى خاد بالة قالى هيا العربية عالية عن النترا 2008 قلتلة شكلها كدة اصل انا قرائت بلاوى بالنسبة للموضوع دة بس انا كنت باخد المطب على الهادى يعنى مش بخدة بسرعة للعلم وانا عارف ان الدنيا هتقوم عليا فى الموضوع دة بس هيا دى الحقيقة وكلام يشهد علية المولى عز وجل
العيوب
هيا بالنسبة للعيوب بما ان العربية جديدة يعنى مش بتظهر عيوب على المستوى القريب لكن مع المستوى البعيد ممكن تظهر عيوب وهحكى عنها لكن بعد صيانة الالف:Wkiss5::Wkiss5::Wki ss5:

رد: تقرير عن الاكسنت ار بى2012

الف مبروك يا باشا على العربيه ربنا يديك خيرها ويكفيك شرها يارب امين
اولا: موضوع ان العربيه عاليه دى حقيقه ومش بتحك فى كل المطبات ومن غير ما تخد المطب مقص وده عن تجربه فعلا
ثانيا: العربيه رائعه بكل المقايس وطبعا دى ازواق كشكل داخلى وخارجى وموتور وفرامل تمام اووى
ثالثا: موضوع الثبات حلو وكويس لو انت مسافر ومحمل كمان راسيه اووى لحد 180 على طريق مستقيم بس منحنيات حااااااذر اوووى وخالى بالك ان الباور خفيف جدا جدا لدرجه ان مش بيفصل على السرعات العاليه ودى مشكله وحشه اووى اوووى
والف مليون مبروك وربنا يباركلك فيها يارب اميييين

رد: تقرير عن الاكسنت ار بى2012

اقتباس:

المشاركة الأصلية كتبت بواسطة teffa85 (المشاركة 765142)

بسم الله الرحمن الرحيم

كل اللي قلته علي العربيه10/10 ماعدا الحك في المطبات عفوا انا بسميها التبات :014FDA~117: انا بصراحه اتهريت حك في المطبات وبلنسبه للكنبه الخلفيه حضرتك سمعت صوت تزييق في المطبات لو ركب معاك اوزان في الخلف وشكرا

رد: تقرير عن الاكسنت ار بى2012

اقتباس:

المشاركة الأصلية كتبت بواسطة honda RB (المشاركة 765547)

الله يبارك فيك وشكرا على المعلومات المفيدة

رد: تقرير عن الاكسنت ار بى2012

اقتباس:

المشاركة الأصلية كتبت بواسطة john55 (المشاركة 765548)

انا الحمد لله مافى مطب حك لغاية دلوقتى بس انا سمعت ان فية مساعدين للعربية دى متعدلين ميخلوهاش تاكل اى مطب اكيد عشان عربيتى جديدة ففيها المساعدين المتعدلين فلو حضرتك تسال فى التوكيل عن الموضوع دة هتحس بالفرق اكيد وصوت التزييق ما فى ولا صوت الحمد لله والف شكر على الرد