الحمد لله عربيتى اتخبطت تحت البيت
 

الحكاية من الاول انى جبت لانوس 2005 رشة جنب واحد بس وشنطة والباقى فبريكا المهم جبتها من سنة ب46 الف وصرفت عليها بطارية كاوتش مساعدين امامى كوتشات كبالن بلى العجل الاربعة تغير زيت فتيس تغير قواعد موتور وسيور والحمد لله لانى كنت لسة متعلم سواقة ما فيش حاجة فى العربية اتغيرت وللنظافة رشيت الجنب المرشوش والشنطة تانى والحمد لله اللانوسة كانت مريحانى جدا وكنت حاببها اوى اوى هى فاضلها فرش جلد وتبقى تمام مش دى المشكلة
اخويا اشترة عربية اوبترا ب 66,500 والصراحة العربية شكلها حلو وبينى وبينكو اتبترت على لانوستى وقعدت اقول اتخميت ودى لانوس والصراحة غيرت المهم
اللانوس عاقبتنى عقاب حلو:
الكاوتش جيت اكشف علية لقيت فى 3 اخرام دة العصر
بالليل وانا راكنها تحت البيت ومتغطية عربية نقل منها للة حكت فى الجنب ناحية تنك البنزين عملتى خربوش محترم وتطبيقة حلوة وكلت وش الفانوس . (دة الجنب الفابريكا المهم بعد جدل خدت من الراجل 90 جنية لما اشوف هتتكلف كام
المهم اللانوس اكتشفت انها بتاقبنى لانى اتبترت عليها وانا كاتب الموضوع عشان اقولها انا اسف يا لانوس

رد: الحمد لله عربيتى اتخبطت تحت البيت
 

هههههههههههه ربنا يعوض عليك يا معلم انا برضه دخلى اتوبيس وانا راكنها تحت البيت شال المرايا وباب التانيك وطبعا خد الجانب اليمين من الاول للاخر

والانوس مش بتعاقبك انت بس لازم كلنا نقول احنا اسفين يا لانوس

رد: الحمد لله عربيتى اتخبطت تحت البيت
 

فعلا انا اسف يا لانوس حقك عليا واللهى ما هبص لغيرك ربنا يخليكى ليا

رد: الحمد لله عربيتى اتخبطت تحت البيت
 

دخل فى الموضوع عربية عاقلة من عربيات الجيران تكون بتركن جنبها لعلها تكون واسطة خير بينكم وتصالحكم على بعض :thinkW19:

رد: الحمد لله عربيتى اتخبطت تحت البيت
 

قل دائماً الحمد لله انها جت لحد كده ولعله خير وربنا فداك من حاجة أكبر