مصر موتورز مجتمع السيارات - الدهان جة على الطنابير

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - الدهان جة على الطنابير (https://www.masrmotors.com/vb/showthread.php?t=98212)

الدهان جة على الطنابير

السلام عليكم ورحمة الله وبركاتة

العربية كانت بتترش وقولت ارش الجنوط ابيض بالمرة عند بتاع الدوكو
وبتاع الدوكو اتغاشم تقريبا ورشها من غير ما يغطى الطنابير والتيل الامامى كويس

والنتيجة ان فية شوية بوهية جت على الطنابير وعملت زى طبقة خفيفة كدة علية
وانا ماشى لو جيت افرمل بسمع صووت تكحييت كدة
ولو دوست فرامل شوية وجيت اطلع بلاقى العربية قفشة و بسمع صوت طقة كدة عشان تقريبا التيل بيبقى لازق فى الطنبورة نتيجة وجود البوية دى

المهم سئلت فى الموضوع دة ناس قالتلى عادى مشوارين تلاتة وهيطبع والبوية دى هتتفور لوحدها مع الوقت والمشى
وانا جة فى دماغى اروح لبتاع فرامل يكحت طبقة من الطنبورتين وينضف التيل كمان بس ناس حذرتنى من الموضوع دة عشان ممكن يبوظلى الطنابير ويخلى فيهم ريجة او رفة
انا خايف امشى بيها كدة والفرامل ماتسعفنيش لو جريت بيها ولا حاجة تتزحلق
افيدونى افادكم الله

رد: الدهان جة على الطنابير

اغسل الطنابير بتنر وغير التيل وهتبقى تمام

رد: الدهان جة على الطنابير

صنفر التيل كويس بصنفره خشنه
والطنابير بصنفره ناعمه ومايه للتنعيم وازلة الصدأ والبويا

رد: الدهان جة على الطنابير

الف سلامه على طنابير حضرتك يافندم

رد: الدهان جة على الطنابير

مفيش مشكلة
صنفر التيل واغسل الباقى بتنر زى ما الزملاء ذكروا
لكن لا تصنفر الطنبورة