|
ساعدوني في شراء سيارة
السلام عليكم
انا ناوي اشتري سيارة ضروري عشان شغلي وطفلي معايا وكنت ناوي في الاول اشتر فيرنا اتوماتيك ( لكنها غاليه علي مواصفاتها ) قلت خليها رينو لوجان اتوماتيك ( الناس خوفوني منها) المهم انا قدامي توياتا يارس 2008 ( بس خايف لاني معرفش حاجه عنها ) وكمان خايف من اسعار قطع الغيار تكون غاليه السؤال تنصحوني بيها ولا لا واسعار قطع الغيار كام ارجو الرد للمساعده وشكرا |
رد: ساعدوني في شراء سيارة
عين العقل وياباشا. حد يخاف من تويوتا يارس .... انتا بتسئل عن ايه ياباشا ... كفايه انها تويوتا ياباشا .... بص ياسيدي اهم حاجة في اليارس انها. تكون فبريكة دواخل دي نقطه النقطه التانيه عيوب اليارس ١- اكصدمات ضعيفه نسبياً بس سيبك تمن الاكصدام كلو على بعضوا ٥٠٠ جنيه الاستسماري. وحاجة كويسة ٢- اسطوانة الدبرياج بتتغير كل فين وفين بسبب قوة الفتيس بتعها والناس. بتدوس جامد عليه ومبترحمهوش وفي زرار الانتظار الي في النص احياناً بيعلق. وفي بعض الموديلات كرسي السواق بيزيق فقط لاغير غير كده عربة بسم الله مشاء الله ثابته على الطريقة ولزيزة. وفخمه. وبالنسبة لقطع غيارها في عندك من اول الياباني للماليزي للبرازيلي للصيني يعني مش هتغلب فيها لان بسم الله مشاء الله متوفرة وتستاهل كل قرش هتدفعوا فيها غير كده وكده عندك قزاز اليارس معالج لاشعة الشمس. البنفسجية والتحت الحمراء وسحبها حلو واقتصادية في البانزين فتوكل على الله. .... بس ابعد عن اللوجن لانها سيئة جداً جداً جداً وكانت معايا @@@@@@@ وتحياتي |
رد: ساعدوني في شراء سيارة
حد يسأل عن تويوتا ؟؟
مسمعتش حد اشتكى منها للامانه توكل على الله وصلى استخاره |
رد: ساعدوني في شراء سيارة
مش مشكلة التويوتا محترمة برضه وممكن كمان تفكر في اوبترا او لانسر اوتو بالسعر دا
ومبروك مقدما |
| الساعة الآن 11:32 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017