ارجو الافاده من متخصصين في السيارات المستعمله
 

اول مره اكتب موضوع بس باختصار يعنى
انا محتاجه عربيه صغيره اخبط فيها في حدود 23000 مثلا ومش فارقه مانوال او اوتوماتك المهم حالتها انا لما دورت لاقيت
ماروتى 2000-2004
ميرا 2002
جيلي فروتة 2005
اونو 1993
QQ شيري تقريبا 2000
اسكودا فليشيا 1997
انا مش عارفه ايه الافضل "قطع غيار متوفره ورخصيه - تريحنى مش عايزه عربيه تلفيفنى كل شويه على المكانيكيه وسمكريه "
و اخر حاجه اعرف من اين ان العربيه اللى اختارها تستاهل سعرها ولا لأ
لو في متخصص هنا اقدر اتعامل معاه يبقى تمام اوي
ارجو الرد وسرعه الاجابه لاني فعلا محتاجه رأيكم
شكرا

رد: ارجو الافاده من متخصصين في السيارات المستعمله
 

اعتقد الهافى لوبو افضل عربية بالنسبة لك
كاملة مانيوال تعمل فى الحدود دى
كان فى الاسبوع اللى فات واحدة على كونتاكت لونها احمر باكياس المصنع موديل 2006 ومرفوعة وعددها قليل وكان طالب 26 الف
موتورها قوى جدا على فكرة لانى ركبتها
وثابتة جدا على الطريق لغاية سرعة 140 كيلو
وقطع غيارها موجودة فى التوفيقية

من عيوبها او العيب الشائع فيها العدادت تملها بتبوظ او المؤشر بيفصل

رد: ارجو الافاده من متخصصين في السيارات المستعمله
 

الهافى لوبو دي الصينى مش كده هو انا بقلق من الصيني
عموما انا دوردت على كونتاكت بالسعر دا ومش لاقيتها لو في لينك ليها يبقى تمام يمكن تكون لسه موجوده ومش اتباعت
و موضوع العدادات و المؤشر دا تبوظ عادي يعنى ولا ايه ؟
وفي حاجه كمان هو الموقوع موفر خدمه ان حد يكشف لى على العربيه علشان اقدر اعرف انها تستاهل سعرها ولا لأ ؟
معلش انا جديده جدا في الموضوع ومستعجله ومحتاجه مساعده .. وشكرا للاهتمام :w6w2005041122063463

رد: ارجو الافاده من متخصصين في السيارات المستعمله
 

لا ما بقتش موجودة
والموجود على كونتاكت 3 عربيات ومنهم واحد فى غيبوبة طالب تقريبا 38 الف
الاستعجال مش كويس فى الشراء
وبعدين حضرتك قلقانه من الصينى وكاتبه جيلى فروتة لية .....مهى صينى
موضوع العدادات مش مشكلة بس انا للامانة قلت العيب الشائع فيها
وانا صلحتىة بنفسي على فكرة لان العداد بيكون شغال انما المؤشر بيفلت من علية وعملتة بامير وشغال لغاية النهردة

رد: ارجو الافاده من متخصصين في السيارات المستعمله
 

انا كاتبه جيلي فروته .. لانها كانت على كونتاكت في حدود السعر اللى عايزاه ..و نوعا ما معروفه في مصر عن هافي لوبو .. وبرضه انا مش فاهمه في الموضوع
عموما انا باشكر حضرتك جدا طبعا على ردك السريع واهتمامك
و ربنا يهدينى لعربيه كويسه ان شاء الله ..