مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   متسوبيشى Mitsubishi (https://www.masrmotors.com/vb/forumdisplay.php?f=29)
-   -   مشكلة في لانسر 99 عجز عن حلها مهندسين الصيانة (https://www.masrmotors.com/vb/showthread.php?t=97711)

رامي ناجي 13-09-2012 05:19 PM
مشكلة في لانسر 99 عجز عن حلها مهندسين الصيانة
 
السلام عليكم ( الفتيس عندي تقيل في الغيارات يعني اول ما ادور العربية واطلع علي الاول زي الفل امشي وادي التاني جميل اطلع علي التالت حلو قوي اجي مثلا ارجع للتاني الفتيس يتقل ويبقي زي العضمة اتعافة علية علشان يدي التاني ولما اجي اقف وامور وادي الاول الاقية تقيل ويعضم معاية اتعافة علية لحد ما ياخد الاول روحت للميكانيكي الغبرة قالي غير زيت الفتيس روحت بنزينة مصر للبترول في القصر العيني غيرتة زيت كثافة 90 ـــــــ 2.5 كيلو بردة زي ما هية اية الحل ودة عيب من اية مع العلم الموضوع دة معاية من حوالي شهرين بس والعربية معاية من الزيرو ومكانتش بتعمل كدة خالص وكمان انا خروجي بيها ضعيف جدا يعني ماشية حوالي 150 الف وكل صيانيتها في التوكيل لحد سنة 2008 حد عندة فكرة من فضلكم علي وجة السرعة كدة المشكلة في اية ؟؟؟؟؟؟؟؟؟؟؟؟؟؟
ملحوظة انا ببقي دايس علي الديبرياج لحد اخر المشوار في كل غيار بنقلة وكمان كشفت علي الديسك والاسطوانة والبلية مافيهمش مشكلة لاني مغيرهم من حوالي سنة ونص

يسري أبو الخير 13-09-2012 05:29 PM
رد: مشكلة في لانسر 99 عجز عن حلها مهندسين الصيانة
 
روح عند ميكانيكي فاهم و يكون كويس .. تلاقي الجلبة الرئيسية في وصلات نقلات ما قبل الفتيس .. عايزة تتغير ..و الميكانيكية القدام بيسموها (العقربة) .. و هي مسئولة عن نقلات الفتيس المانيوال .. لانها حصلت معايا و الميكانيكي راح للخراط و عملي واحدة تانية و ركبها و كل حاجة تمام دلوقتي الحمد لله .. عموما شوف كدا و قولنا عملت أيه ..

رامي ناجي 13-09-2012 06:06 PM
رد: مشكلة في لانسر 99 عجز عن حلها مهندسين الصيانة
 
أ/ يسري بعد اذن حضرتك هي دية بتبوظ اساسا من اية وكمان لو سمحت انا لما بمشي بالعربية يعني مشوار حوالي ساعة والعربية تسخن بلاقي الغيارات ريحت ومبتعملش المشكلة دية الموضوع دة بيحصل بس اول ربع ساعة من خروجي بالعربية وهل سيارات حضرتك كانت كدة علطول ولا بردة ساعات وسعات ممكن تفهمني اكتر انا اسف للاطالة وكان الله في عون العبد ما دام العبد في عون اخية

eng/walaaeldeen 13-09-2012 08:04 PM
رد: مشكلة في لانسر 99 عجز عن حلها مهندسين الصيانة
 
السلام عليكم
معلش سؤال ايه اخبار الماستر والزيت الموجود فيه هل لونه غامق
والله المستعان

رامي ناجي 13-09-2012 08:42 PM
رد: مشكلة في لانسر 99 عجز عن حلها مهندسين الصيانة
 
اقتباس:
المشاركة الأصلية كتبت بواسطة مشمش1 (المشاركة 759948)
السلام عليكم
معلش سؤال ايه اخبار الماستر والزيت الموجود فيه هل لونه غامق
والله المستعان
الاستاذ مشمش مساء الخير يا باشا وربنا يعطيك العافية بص يا سيدي زيت الكلتش فتحت علبتة وهي علبة صغيرة علي اليمين جمب علبة زيت الفرامل لاقيتة لونة رمادي غامق انا اول مرة افتحة اصلا ومعرفش بتاع اية انا قريت في كتاب السيارة لقيت اسمة زيت كلتش اية لزمتة مش عارف اما الماستر انا معنديش مشكلة فية كل الي عندي اني كت بسمع صوت هواء تزييق وانا بدوس علي الديبرياج وبعد كدة زيت البدال راح الصوت المهم عندي دلوقتي الموضوع الي انا سألت فية ممكن حل لية


الساعة الآن 05:31 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017