مصر موتورز مجتمع السيارات - اكتشاف حل بسيط لزنة دواسة البنزين في اللوجان

اكتشاف حل بسيط جدا جدا لزنة دواسة البنزين

طبعا بقالى فتره بفكر ايه اللى بيوصل الزنه بتاعة الموتور دى لدواسة البنزين
المهم فكيت الدواسه و لقيتها طبا بلاستك لكن من النوع المقوى و متثبته على أكس فى طول الصباه من الحديد الصلب و كل ده على قاعده من الحديد متثبته بصمولتين كونتر على جسم العربيه من الداخل مباشرة
يبقى حديد فى حديد فى بلاستك يبقى لازم يبقى فى نوع من العزل بين التلاته و هتختفى الزنه تماما
و ده اللى بدأت انفذه امبارح
فكيت الدواسه بتاعة البنزين و ده عن طريق نزع تيله من على الجانب الشمال و زق الصباع الصلب لجوه هيطلع من الناحيه التانيه و شيل الدواسه خالص و لقيت القاعده متثبته زى الشكل التالى

اضغط هنا لتصغير الصورة.

http://store3.up-00.com/July12/j5A65686.jpg

طبعا حديد فى حديد مافيش اى عازل و اللى هيصير على الجسم الداخلى من اصوان او اهتزازات هيتنقل بالتالى للقاعده الحديد دى

و دى صوره للمسامير اللى متثبتها عليها القاعده

اضغط هنا لتصغير الصورة.

http://store3.up-00.com/July12/XVR65686.jpg

و دى شكل للقاعده فى ايدى

اضغط هنا لتصغير الصورة.

http://store3.up-00.com/July12/RVl65686.jpg

و ده عباره عن خراطيم كاوتش الباب المتر ب 4 أو 5 جنيه كانت عندى حتيه قصفصتها و لفيتها حوالين القاعده
علشان يبقى فى حتة كاوتش بين الصاج الداخلى و القاعده نفسها و دى لمجرد الإختبار لو نجحت هروح لبتاع الجوانات و معايا القاعده و أخليه يعملى جوان فل على كاوتش دوبل تخين على شكل القاعده بالضبط و ده لسه ماعملتوش

اضغط هنا لتصغير الصورة.

http://store3.up-00.com/July12/ace65686.jpg

ده الشكل النهائى

اضغط هنا لتصغير الصورة.

http://store3.up-00.com/July12/3ud66195.jpg

و دى حتة كاوتش بالعرض على المسمارين لزيادة الكفائه

اضغط هنا لتصغير الصورة.

http://store3.up-00.com/July12/syO66195.jpg

و ركبت كل حاجه تانى و طلعت استريح و أخدت الولاد علشان كنا هنفطر بره و بدأت مرحلة الإختبار
الزنه أختفت بنسبة 80 % و دع أكدلى ان فكرة عزلها كانت ممتازه وده خلانى انتقل للخطوه التانيه و دى لسه ماعملتهاش انى أعمل جوان الفل على كاوتش تخين و أركبه بدل كاوتش الباب اللى أنا عاملته و بالتالى ان شاء الله الزنه دى هتختفى تماما لانى بصراحه بقيت مستمتع و انا بدوس و احساس الزنه دى قليل أوى تحسها خفيف خفيف و انا قارص على العربيه و حافى القدمين

منقول بقلم ahmedeg1