منظومة الكورة في مصر
 

ماتيجوا نبسط منظومة الكورة في مصر:

لنفترض ان

النادي دا التاجر
واللعيبة دي البضاعة او السلعة اللي التاجر عايز يبيعها
والجمهور دا المشتري (الزبون) يعني اللفلوس يا معلم

يعني ببساطة الجمهور = فلوس ودي اهم ما في المنظومة لان من غيرها لابقي في تاجر ولا سلعة

اوم ايه لما اهم ما في المنظومة يقفش ويقول مش شاري عشان في اخر سوق اتقتل منا ياما اوم ايه التاجر يقولك لا حبيع انشالله ببلاش

ودا اللي حصل امبارح بمنتهي البساطة

كنت حنسى حاجة في المظومة طبعا الاعلام اللي هو يعتبر المطبلاتي كل مهمتة انه ينادي علي البضاعة ويحببك فيها بس برضة اللي حصل امبارح انه كان بدل ما بينادي علي البضاعة بيضرب في الزبون

عندي سؤال مهم لو لعيب من اللي لعبوا امبارح كان هو اللي اتفرم يوم بورسعيد - كان زمايلة رضوا يلعبوا امبارح؟؟؟ اظنش!!

الحل برضة بسيط - نقاطع الكورة !! هارسود انت بتقول ايه ازاي؟؟!!

والله هو دا الحل واسهل من مقاطعة اللحمة قبل ما تغلي عشان الناس دي تتعلم الادب وبالادب من غير مانروح ننام تحت اتوبيسات

عجبني اوي توبيك سالي زهران

لما يمشو 35 كيلو على رجليهم فى الصحراء في عز الحر علشان المتش ميتلعبش عـشان حـق اصحابهم .. والامن منبه على السواقين ما يوصلوهمش .. .. يبقوا اصحاب قضية مش بلطجية

معلش يا اخت سالي - السبوبة حكمت وبرضة هيبة الدولة هع!!!

مش منقول
اشرف كريمه

رد: منظومة الكورة في مصر
 

أنا شايف إن الكورة دى ملهاش لازمه فى الوقت الحالى.
ومعاها الفن والمسلسلات والأفلام.
إحنا بلد مش لاقيه تاكل وعندها عجز ميزانية وديون متلتله.
وبنصرف مليارات على حاجات تافهه.
لو الأفلام والمسلسلات بتعلم الناس الأخلاق وقيمة العمل يبقى ماشى. إنما بتعلم الناس قلة الأدب.
واللى عاوز كوره وفن يدفع من جيب أهله مش من جيب البلد

بس وخلاص.

رد: منظومة الكورة في مصر
 

الحمد لله .,. مقاطع الكوره من زمان و عايش عادي وزي الفل ...:CHUBBY~36: