مصر موتورز مجتمع السيارات - العربيه بترعش ودوسة البنزين مش طبيعيه فى حاجه غلط

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

العربيه بترعش ودوسة البنزين مش طبيعيه فى حاجه غلط

السلام عليكم
انا ياجماعه من اسبوع نزلت بالعربيه ومشيت بيها شويه وبعدين ركنت كنت مستنى واحد صاحبى وسيبت العربيه دايره لقيتها بترعش وهتبطل وبعدين تقوم مكمله عادى وهكذا ولما ادوس بنزين وانا واقف مثلا اخلى عدد لفات الموتور على 3 شويه والاقيه نزل لواحد مع انى محركتش رجلى !
روحت مبطلها شويه ولما صاحبى جه دورتها ومشينا بيها حوالى نص ساعه متصله و بسرعه تتروح من 80 الى 100 لان الطريق كان سالك وهنا مظهرش اى مشكله وانا كنت متوقع تنتش لكن منتشتش وكانت تمام وبعدين روحتها الجراج وبطلت ودورت كذا مره ودارت عادى جدا
ووقفتها بقى 8 ايام لانى منزلتش الفتره دى بس كنت كل تلات ايام بسخنها ربع ساعه او اكتر
النهارده نزلت احركها فى الجراج عشان كانت زانقه على عربيه تانيه فلاحظت حاجه تانيه وهيا ان العربيه وهيا دايره دوسه البنزين مش مظبوطه "والعربيه واقفه " يعنى حتى لو دايس جامد بحس العربيه شرقانه والبنزين بيقطع كده ومش سالك وساعات ببطل وادور بتبقى مظبوطه
مش عارف هل دى بوادر ازمه ؟ ولا ممكن يكون البنزين قليل لأن العوامه عندى ساعات بتخرف !
ملحوظه ممكن يكون ملهاش لزمه : لاحظت ان الكلاكس صوته مكتوم ومش مظبوط

رد: العربيه بترعش ودوسة البنزين مش طبيعيه فى حاجه غلط

متاااااااااابع

رد: العربيه بترعش ودوسة البنزين مش طبيعيه فى حاجه غلط

الله أعلم ولاكن أحب أتابع معاك.
إيه رأيك تقولنا نوع العربية وموديلها علشان الي يفيدك ويفيدنا يبقى عارف هوا بيتكلم على أنهي عربية.
أنا من كلامك حاسس إنها كاربراتير مش عارف بقي صح ولا غلط

رد: العربيه بترعش ودوسة البنزين مش طبيعيه فى حاجه غلط

هات مزيل صدا ورش علي حساس البوابة
وغير فلتر بنزين
ولو عربيتك كربرتير غير بك السلانسية

رد: العربيه بترعش ودوسة البنزين مش طبيعيه فى حاجه غلط

حاسس ان العربية دى دايرة على البطارية والدينامو مش بيشحن