المشاركة الأصلية كتبت بواسطة a_ghoneum (المشاركة 755995)

السلام عليكم ورحمه الله وبركاته
انا اشتريت عربيه لادا 2105 موديل 1995

الف الف مبروك ربنا يديك خيرها ويكفيك شرها وتكون عون ليك فى طاعة الله

وعايز اعرف اسعار شويه حاجات عايز اغيرها فى العربيه
1 - المساعدين

الامامى بـ 115 جنية جديد روسي
والخلفى لو هاتجيب بتوعها عاملين 235 جنية .......بس احنا بنركب بتوع العربية الدبابة والجوز تيكوكو بـ 180 جنية واستيراد بـ 60 جنية

2 -الكارونه لان انا بسمع ونه جامده اوى

الببة بـ 400 جنية والدفرانس كامل بـ 900 جنية بالكتير

3 -الدركسيون

لو حضرتك تقصد الطارة مش هتلاقيها استيراد انما موجودة جديدة عند سيد نصار فى التوفيقية ومعرفش بكام

4 -التابلوه


التابلوة للحالة الممتازة شاسية وعدادات بـ 650 جنية

5 -فرش ارضى جلد
6 -كسوه جلد للكراسى

بالاتفاق مع السروجى ويوجد خامات مختلفة وبالتالى اسعار مختلفة انما ارضية خامة فقيرة 100 جنية وكسوة الكراسي خامة فقيرة 150 جنية

7 -سمكره ووش نضافه للعربيه من الخارج

سمكرة معرفش لازم اشوفها ووش النضافة للعربية كلها 500 جنية مثلا

وعايز اعرف ايه الحاجات المهمه فى الكهربا اللى اكشف عليها

لو مروحة التبريد عندك كهربائية يبقى غيرلها الكتاوت بتعها او تشك علية وطبعا الانوار مهمة وشحن الدينامو يبقى مظبوط

واسف انى طولت عليكم لان انا خبرتى فى العربيات قليله

:shyy::shyy::shyy::shyy:: shyy::shyy::shyy: