اجيب مساعدين قيرنا واللا اكسنت
 

السلام عليكم

انا كان عندى مشكلة انى العربية لقتها فجاة بتحك فى المطبات فقلت اركب صدادات فركبتها اليوم بس لقيت العربية ناشفة حجر

فالعفشجى قللى ان المساعد الشمال بايظ واليمين نص نص فقللى هات واحد خلفى شمال اكسنت رفيع او تريح دماغك وهات اتنين فيرنا عريض وننقل فيهم الصدادات اللى ركبناها النهارده وتنسى الجزء اللى ورا ده

فايه رايكم يجماعة

رد: اجيب مساعدين قيرنا واللا اكسنت
 

العربية اكسنت موديل 99

رد: اجيب مساعدين قيرنا واللا اكسنت
 

الافضل انك تغير الاتنين مع بعض اما بالنسبة بتوع الاكسنت او الفيرنا فالاتنين واحد بس بتاع الفيرنا اعلى شوية من الاكسنت واعرض
وافضل ماركة اليابانى KYB
http://www.masr1.com/?dm=NZVN

رد: اجيب مساعدين قيرنا واللا اكسنت
 

جزاك الله كل خير

طيب الوقتى بتوع الفيرنا اجيبهم جداد واللا استيراد ويعملو فى حدود كام ؟

رد: اجيب مساعدين قيرنا واللا اكسنت
 

هاتهم جداد افضل والاسعار مش فاكرها بصراحة تقريبا 450 وممكن يكونوا ارخص من كده بس مش هتعدى السعر ده و ابقى اسال العفشجى ايهما افضل الزيت ولا الغاز علشان الـــ KYB بتنزل النوعين
واهم اهم حاجة متنساش ان العفشجى يركب المساعدين على مكبس" فى حالة لو بيركب عليهم سوست "مش بالكلابة لانه لو ركبهم بالكلابة ممكن يجرح عمود المساعد وساعتها المساعدين بتسرب الزيت او الغاز اللى فيها ويبوظ فى وقتها او بعدها بفترة بسيطة
برضه متنساش الصامولة بتاعت المساعد هتلاقيها فى العلبة يعنى تراجع عليه وانت بشتريه واذا اشتريت المساعدين الغاز هتلاقى ان عمود المساعد مرفوع لفوق ولو ضغطت عليه هتلاقى مقاومته عالية لان المساعدين الغاز مبيتحضروش زى المساعدين الزيت