|
هتدفع يعنى هتدفع
وانا ذاهب على الطريق الصحراوي للغردقة صباح يوم الثلاثاء 4-9-2012 وقفت في كمين بعد بوابة (راس غارب) أمين الشرطة أخد الرخص بسبب السرعة الزائدة ونزلت من السيارة لأجد كل السيارات التي كانت تمشي بجواري ممسوكين سرعة برضه وبيدفعوا 150 جنيه غرامة واحد ورا التاني جه دوري وأثناء ما كان الضابط يكتب الوصل وجدت الرجل الذي في الصورة يتقدم للضابط بكل ثقة وقال له: أنا العقيد فلان الفلاني ... وأشار نحو السيارة الخاصة به الممسوكة سرعة زائدة فضلت واقف اشوف اللي هيحصل عشان الراجل ده لو ما دفعش انا يا قاتل يا مقتول المهم احتد النقاش بين العقيد البلطجي وضابط الكمين هتدفع ... لأ مش هدفع ... هتدفع .... لأ مش هدفع وهنا جاء دوري كمصري بيحب يظيط قمت مزعق: هتدفع زي ماكلنا دفعنا ..... هتدفع زي ما الناس دي كلها دفعت المقدم البلطجي زعقلي: انت مالك انت ؟!! أنا ما بكلمكش انت زعقتله: وانا كمان مابكلمكش انت ثم وجهت الكلام لضابط الكمين بنفس النبرة الحادة: الراجل ده لو ما دفعش انا هاخد فلوسي والناس بيهدوني: خلاص يا أستاذ هيدفع هيدفع والله هيدفع ذهبت بسرعة للسيارة وأخرجت الكاميرا الفيديو ثم توجهت للمقدم البلطجي وشغلتها وحطيتها في وجهه استفزاز استفزاز يعني قال لي بزعيق: انت بتصور ايه ؟ قلت له: انت مالك ! أنا بصور الضابط اللي بيشوف شغله قال لي: خلاص كلكم بقيتوا مصورين دلوقتي رديت بكل برود: أيوة وحضرتك هتلاقي نفسك مشرف على الفيس بوك بكرة ان شاء الله الراجل حاول يضربني وياخد الكاميرا وقال لي: روح كتك نيلة بس انا طبعاً اخلاقي ماتسمحليش فرديت بكل أدب: روح انت كتك نيلة في شكلك ... هو لسة في قصة عقيد وعميد دي ؟!! الكلام ده انتها الناس قعدت تحجز بينا وهو بيزعق بهستريا: انا عايز الكاميرا دي .... انا عايز الكاميرا دي أخدوا العقيد البلطجي بعيد وفضلت واقف لحد ما اتأكدت ان صديقه دفع المية وخمسين جنيه ثم عدت إلى سيارتي بعدما انتصرت في موقعة العقيد -------------------- طبعاً نستفيد من القصة دي كلها ان الناس تاخد بالها ان بعد (راس غارب) في كمين ! :shyy: -------------------- منقول كل الشكر والتقدير للظابط المخلص فى عمله |
رد: هتدفع يعنى هتدفع
اقتباس:
ثانيا: انا مسافر الغردقه ان شاء الله يوم 9\9 الاحد القادم وكنت عاوز اسافر الساعه 3 الفجر ياريت حضرتك تقولي اخبار الطريق ايه امان ولا لأ اسافر في الميعاد ده ولا لأ واي ملاحظات عن الطريق اكون شاكر لحضرتك واخبار البنزين في الطريق شكرا |
رد: هتدفع يعنى هتدفع
اهم حاجة اخر سطر
الدرس المستفاد - انت راجل مصري بتحب مصر والله لك الحق تفخر انك من الشرفاء |
رد: هتدفع يعنى هتدفع
اقتباس:
حبيب قلبى تروح وتيجى بالف سلامه الموضوع منقول |
رد: هتدفع يعنى هتدفع
اتحداك لو كنت تعمل الكلام دا ايام مبارك :hehehe:
بس والله انتا جدع وابن جدع :Bravo: |
| الساعة الآن 11:34 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017