مصر موتورز مجتمع السيارات - هااااام جداااا \ فيات 128

السلام عليكم ورحمة الله وبركاته

انا عربيتي يا شباب فيات 128 موديل 81 كانت بتاعة والدي وبعدين ادهاني
العربيه عامله حوادث كتير جداا
كانت اتخبطت من قدام خبطه جامده وكانت محتاجه نص قدام ووالدي نفض وخلى سمكري اي كلام يشتغل فيها
وكذلك من وراا القنطره اتكسرت تقريبا اكتر من 5 مرات وكل مره بروح للسمكري وبلحمها ..
البرومه فيها كتير جدااااا
اخر مره شديتها من حوالي 6 شهور
بس حالتها دلوقتي تقريبا 30%
محتاجه اسكترا عشان بايظه
الكربراتير بايظ عاوز يتغير من زمان
مساعدين قدام عاوزين يتغيروا بردو
محتاجه شدة ابواب جامده
محتاجه تغير زجاج قدام وورا

طبعا اخر شده انا عاملها مداريه على حاجات كتير فيها
وجالي فيها بيعه النهارده ب 12 الف انا اعتقد ان ده كويس جداا

في بقا عربيه 128 موديل 88 فبريكه جوه ما عدا كان في شرخ صغير جدا في الحوض مكان الاستبن ومعمول .. القوايم فبريكه بالكامل
بصراحه انا ركبتها بالنسبه لبتاعتي حرييييييير
ورا في الشنطه في المكان اللي بيركب فيه المساعدين
اللي هيا الفجاوي بس من فووق جوه الشنطه يعني
كل فجوه فيها تقريبا حتة برومه بتاع 2 سم انا اعتقد انها سهله
كل حاجه غير كده تماام جداا .. دواسه بلادها .. مكنتها حلوه
1100 سي سي رخصتها سنتين .. السقف فبريكه
مفهاش ولا خدش بره ومش كل الاماكل فيها معجون كتير
دي صاحبها طالب فيها 17
وانا بصراحه مش عاوز افوتها من قدامي
يعني هدفع 5 الاف
وظروفي الحمد لله متسمحش باكتر من كده نهائي
علشان محدش يقول كمل وهات حاجه غير ال 28
المهم بس العربيه دي سعرها كويس كده 17 ؟؟؟؟
وشكرااااااا دوشتكم بس انا رايح ابيع كمان 3 ساعات