مصر موتورز مجتمع السيارات - تويوتا تنوى طرح نسخة رياضية من أفالون

تويوتا تنوى طرح نسخة رياضية من أفالون

معروف ان تويوتا دائما كانت بتركز اكتر في أفالون علي الراحة والقيمة أكتر من الجاذبية والحيوية والشكل الخارجى. وطبعا السيارة معروفة بسهولة التعامل والقيادة وده بيخليها من أكتر سيارات تويوتا السيدان شعبية . ولكن أفالون الجديدة موديل 2013 هاتبقى مش بالصورة التقليدية تقريبا ، فحسب "اى فرات" هاتيجى بتصميم مبهر بيعبر عن روج جديدة عند تويوتا ، وبعدم اقتناعهم بالتصميمات التقليدية .

http://www.ifurat.com/sites/default/...on_2013_11.jpg

وده كان نتيجة المواقف المحرجة اللي بتعانيها فئة السيدان الكبيرة من تويوتا من الناحية التصميمية وده بالمقارنة بموديلات شيفروليه امبالا 2014 الجديدة المتميزة في التصميم ، وكمان الخطوط البارزة والتصميم الجديد لكل من هيونداي أزيرا 2012 وفورد توروس. وبالنسبة لنية تويوتا فظهرت واضحة فى أفالون 2013 اللي بتتميز بتصميم هجومى فى المقدمة ، فبيعطيها شكل رياضي بيعبر عن طموحات أفالون.

http://www.ifurat.com/sites/default/...on_2013_41.jpg

و اصدارين أفالون اللى كشفوا عنهم بالفعل وهم ، V6 والهجين هم مجرد بداية ، فالنموذج الرياضي من السيارة تحت الدراسة. و النسخ التجريبية الثلاثة من أفالون هتظهر في معرض SEMA في أكتوبر الجاى ، وهاتتميز النسخة الرياضية بتزويدها بشاحن هواء (تيربوتشارجر) مصنع في قسم السباقات التابع لتويوتا في استراليا ، وهو نفس الشاحن المستخدم في لوتس إيفورا S .

http://www.ifurat.com/sites/default/...on_2013_21.jpg

ولما سالوا ستيفن ،كبير مهندسي افالون، هل أفالون الرياضية هاتيجى شبه موديل كامري SE الحالي ، جاوب بالنفي واكد علي أن النسخة الساخنة من أفالون هاتتميز بأداء واقعي مطور بالاضافة للتعليق الرياضي ونظام التوجيه الكهربائي. وممكن النسخة الرياضية تيجى بعد عامين أو اكتر.

http://www.ifurat.com/sites/default/...on_2013_51.jpg

http://www.ifurat.com/sites/default/...on_2013_31.jpg