مصر موتورز مجتمع السيارات - للجرب "الاجهزة التى تمنع سرقة العرية "؟؟؟؟

للجرب "الاجهزة التى تمنع سرقة العرية " الى هية تتتبع العربية او توقف الموتور عن بعد او بالتليفون .. انا عربيتى اوكتافيا a5 2007 ممكن التوكيل يركبهالى ؟؟ طبعا فترة الضمان انتهت .. انا فتحت الموضوع دة لان يوم الجمعة الى فاتت البيت كله صحى على صوت ضرب نار كتير.. الكلام ده كان الساعة 7 ص و بعدين سمعنا راجل بسرخ "حرامى حرامى " عرفت بعد كده ان حرميه كانوا قاطرينه لغاية لما جه لحته سكتة زى الحتة بتاعتنا "العجمى الاسكندرية خلف قرية الزهراء " و ضربوا طلقات كتيرة و اعتقد ان المسدس كان مسدس صوت بس صوت ايه يسورر ..لان المسدس الحقيقى اعتقد مش بالصوت ده ..و طبعا اخدوا العربية و طبعا فضلوا يضربوا نار علشان محدش يحصلهم الراجل مش عارف يمشى يروح فين او اى اتجاة " من الفجعة يا عينى " الى غايزنى ان عربيته على حسب ما سمعت" فانتازيا 2012 " فياريت يا جماعة للجرب الاجهزة دية انا جمعت تليفونات كتيرة و عاوز اسأل التوكيل ينفع يتركب ولا لأ .. انا الى يهمنى هو خاصية وقف الموتور من على بعد او بالموبايل لان خاصية التتتع دية ممكن تبقا مفيدة بس فيها خطورة.. و طبعا الجهاز ممكن يكون حايتوصل بالكمبيوتر بتاع العربية فعلشان كده انا مصمم اركبه فى التوكيل فياريت اى حد جر الاجهزة دية يفيدنى
و شكرا
اه ه ه نسيت يا جماعة نصيحة لوجه الله تعالى اى حد عتنده عربية لازم يسيب فيها اى حاجة يقدر الحرامى يوصل يها لصاحب العربية مثلا : كارت او ورقة مكتوب فيها وضوح نمرة تليفون صاحب السيارة كذاا علشان لا قدر الله لو حصل !!! يبقى فى امل .. و طبعا الحرامى لو عاقل و مش مبرشم حايختار الفدية اسهل و اريح .. فياريت كلنا ناخد حزرنا كويس. ويا عالم مين الى عليه الدرو
و فى الاخر المسألة كلها نصيب و قدر . و الى اهم من الاجهزة كثرة الدعاء الى الله لان القدر بيبقى نازل من فوق " مصيبة سودة " بالدعاء .. يوصل للعبد حاجة بسيطة .. و اسف على الاطالة .