دخان ابيض من غطاء الزيت
 

السلام عليكم ورحمة الله وبركاته امبارح وانا ماشى بالعربية حسيت انها عاوزه تقطع وكمان لما بزود وانا فى السلانسيه فى اخر الكابسه الصوت بيتكتم اديها الاول مش عاوز تقوم من مكانها وتفصل المهم سبتها تبرد واليوم كان الحد والميكانيكية قافلين عدى عليا واحد الله يسهله عكها خالص المهم بعد محولات قدرت ادورها بس المفاجأة ان العربية كانت بتسخن اوى وكمان فى دخان ابيض بيطلع من فتحة جنب غطاء الزيت !!

رد: دخان ابيض من غطاء الزيت
 

زيت الموتور كويس ولا الموتور ضرب جوان من السخونة الزيادة ؟

رد: دخان ابيض من غطاء الزيت
 

انا ركنتها والنهارده هنزل اشوفها بس كنت عاوز اعرف ايه الاحتمالات وامشى بيها لحد الميكانيكي ولا تتقطر

رد: دخان ابيض من غطاء الزيت
 

اكشف علي مقاس الزيت والمياة
ولا تقرس علي العربية وانت ماشي حتي توصل بالسلامة
وراقب الحرارة
بس طمنا اية الي حصل

رد: دخان ابيض من غطاء الزيت
 

المشكلة طلعت فى الكربراتير محتاج تسليك والميكانيكي علاها مؤقتا علشان متقطعش اما الدخان الابيض دا ظهر تانى هل الكربراتير ليه علاقة بالكلام دا ولا من اللعب فى الاسبراتير وكهربا زياده ؟ انا شوفت مقياس الزيت تمام والعربية فى الدوارة مش بتطلع دخان تقريبا مع السخونية بس مكنتش بتسخن الاول كدا ...