استفسار بخصوص علايات الاكسنت
 

انا العربية معايا اكسنت 99

العربية من ورا من ناحيتى انا وانا سايق حسيت انى لما بحمل على الكاوتش 3 وارا بيحك لدرجة انه الكاوتش نفسه بيحك فى الرفرف

رحت للعفشجى قللى نركب صدادات

سالت عن الصدادات قللى الصينى الجوز ب 45 والاستيراد ب 100 جنيه وهركبهم ورا


بس قللى ان العربية مش هتنزل عن المستوى ده وانت محمل بس مش هتعلى

ياترى الصدادات غير العلايات

طيب اعمل ايه واركب ايه

بس شاف المساعدين وقللى مش جايبه زيت وكويسة اعمل ايه

رد: استفسار بخصوص علايات الاكسنت
 

الصدادة غير العلايات لان الصدادة بتبقى كاوتش وثمن الاثنين بــ 10 جنيه مش اكتر وبيتركبوا في المساعدين عند حد بتاع عفشة بيفهم ( في الجيزة مصطفى الباشا شارع المدبح قبل كوبري العمرانية )

رد: استفسار بخصوص علايات الاكسنت
 

الزاى

الراجل قللى 2 الصدادات عنده ب 100 جنيه استيراد كلام العفشجى

والصينى ب 45

طب افضل الصدادات واللا العلايات

رد: استفسار بخصوص علايات الاكسنت
 

باشا بلاش علايات علشان لو بتمشي على طريق سريع العربية مش هاتبقى ثابتة وممكن لاقدر الله تعوم ، المهم اتأكد ان المساعدين تمام ولو مش كويسين غيرهم تمنهم استيراد حوالى 240 الاثنين بالتركيب وبلاش تركب الجديد لو مش ماركة (كوني - مونرو فقط ) لان اغلبيته صيني مجهول الهوية الاستيراد افضل منه بكثير واتأكد ان ضغط الهواء في الكاوتش مظبوط كله على 28 صيفا و 30 شتاء ويفضل تظبط الهواء نيتروجين على ضغط 30 مش هاتفرق صيف او شتا لان ضغظ النيتروجين ثابت مش بيتأثر بالحرارة وده هايكلفك 5 جنيه للعجلة الواحدة

رد: استفسار بخصوص علايات الاكسنت
 

جزاك الله كل خير

الراجل قللى المساعدين كويسين بس وانا مسافر على الطرق السريعة ببقى محمل 3 ورا متوسط 250 الى 280 ك غير اللى فى الشنطة وانا واللى قاعد جمبى والعربية اكسنت 99

فبتحك فى المطبات الزكية اللى فى بلدنا القوية

فانا مش عاوزها تنزل عن المستوى لو حملت ورا

فايه رايكم فى ا لصدادات ؟