الحقونى يا اصحاب الخبرة
 

محتار جدا بين ك`ا عربية فى حدود 95 مش هقدر ازود عن كدة بيجو 206 بلس 2012 زيرو ودى عجبانى اوى وفيها وسائل الامان والراحة بنظام اى بى اس للفرامل وايرباج وثبات يعيبها عدم الانتشار
http://www.contactcars.com/images/Ne.../big/278_1.jpg
ولا بروتون جين 2 ودى منتشرة نوعا ما وقوة فى الاداء وامنة بس ماليزى ودا عيبها
http://www.contactcars.com/images/Ne.../big/242_1.jpg

ولا كيا ريو الجديدة يعيبها الانتشار والصناعة الكورية
http://www.contactcars.com/images/Ne...l/big/10_3.jpg
ولا هيونداى اكسنت ار بى الجديدة ودى منشرة نوعا ما بس نفس عيوب الصناعة الكورية من عدم الامان والثبات
http://www.contactcars.com/images/Ne...big/2823_1.jpg

انا محتار جدا ومش عارف اجيب اية اخلينى فى الاوربى احسن ولا اخلينى مع الشعب فى الكورى ولا اخلينى مع الحزب الماليزى انا هموت من الحيرة قربت اتجنن
:sycho26::sycho26::sycho2 6::sycho26:مع العلم انا عاوز سيارة معمرة وتكون شكلها حلو وبيها كماليات معقولة

رد: الحقونى يا اصحاب الخبرة
 

بص يا باشا ...
عيب البيجو انها مش منتشرة نهااااااااااائي ... و بناءً عليه فإنه طبقا لنظرية العرض و الطلب عند الرأسمالي كينز :286: ... فإن قطع غيارها مش كتيرة ... و بالتالي توكيلها هو اللي عنده قطع غيارها ... و بما انا العربية فرنسي ... فأحب اقولك انها عربية ارستقراطية و بتاعت توكيل ... و ما تحبش ميكانيكي يلمسها :140109~347:

لو انت هاتستحمل احكام العربية بنت الناس الهاي دي ... يبقى توكل على الله و خش طوالي و بقلب جامد ... و ربنا يبارك لك فيها

اما لو مش هتستحمل احكامها ... فأحب اقولك عادي ... كدة أو كدة قطع غيار الجين تو غالية مستمر بس عربية فتااااااااااااااكة و مفيهاش عيب .... و الكيا الريو اشيك من البيجو و الكوري بقى احسن من الفرنسي كمان ... دة طبعا اذا البيجو ما كانتش تركي او ايراني ... و الريو هينزل اسعار قطع غيارها بمرور الوقت ... و احب اقولك من دلوقتي استنى عليها سنة و هتبقى انجح عربية في السوق ... يعني بصريح العبارة العربية دي هي هي اللي بتتصدر اوروبا و مفيش فيها هزار لا في تقفيل ولا في ميكانيكا ... يعني بصريح العبارة عربية على ابوه ... و تقفيل السيراتو و الكارينز يشهد

اما في حالة الاكسنت ار بي ... فالصراحة الكلام عليها شائك ... لأنها شكلها من برة غريب ... و سعرها اغلى من اللي تستحقه شويتين ... زائد ان عفشتها مش قد كدة ... بس عن نفسي اللي شفته من اللي راكبينها الرضا المقنع بالعربية ... و دة ميجيش الا اذا كانت بالنسبة لهم جميلة

بس سؤال ....
انت ما فكرتش في الاوبترا ليه ؟؟؟؟ SLAM

رد: الحقونى يا اصحاب الخبرة
 

الاوبترا فول اوبشن و 1600 سي سي و قطع غيارها حلوة و رخيصة نسبيا وواسعة و ثابتة برضوا

رد: الحقونى يا اصحاب الخبرة
 

بص انا هستعبد البيجو علشان في قاعدة لازم تعرفها
لو انتا هتجيب فرنسي يبقا رينو واخص العربية لوجان لانها اللي حققت نجاح في مصر انما باقي الفرنسي زي ما هوا مش منتشر ومش موجود
البروتون جين 2 والكيا ريو هستبعدهم بسبب قطع الغيار واعادة البيع
هتفضل الاكسنت ار بي وانا هنزل معاها الاوبترا
بس من حيث الكماليات الاكسنت تتفوق لن فيها مالتي وبلوتوث وكمان فيها عوامل امان مهمة زي الاي بي اس والايرباج وقطع غيارها منتشرة واعادة بيعها ممتازة وموتورها جباار
المشكلة فيها انها بتحك في المطبات وكمان العربية من بره ورق يعني ابسط خبطة الصاج يتبهدل وكمان العفشة بتاعتها طرية ومش ماسكة نفسها يعني ثباتها وحش على السرعات العالية (اخرها 160 )
الاوبترا جملية وواسعة وعملية واعتمادية وقوية وموتورها قوي وعالية عن الارض وثباتها ممتاز على السرعات العالية يعيبها قلة الكماليات وكمان مفيهاش اي بي اس وايرباج
وانا لو مكانك هختار اوبترا
واستخير ربنا اولا ومبروك مقدما

رد: الحقونى يا اصحاب الخبرة
 

شكرا جدا على الافادة مشكلة السيارات الشيفورلية مش مستريحلها تماما وانت عارف ان الشراء لازم تكون مرتاح للى هتشترية مش عارف عندى رفض غريب للشيفورلية هوا اختيارى يا اما بيجو يا بروتون انما الريو والاكسنت اختيار اخير مش مهم عندى ومن جهة اعادة البيع ميهمنيش انا عاوز عربية تقعد معايا لانى مبحبش التغيير هيا بيجو التوكيل بتاعها بيشكروا فية وقذع غيارها نفس قذع غيار ال 206 العادية انما بروتون بيخوفونى من التوكيل بسمع كلام مش مظبوذ ومن هنا جاية حرتى