موضوع مهم بجد ياريت تفيدونى
 

انا روحت دفعت عربون فى عربيه فيات برافو ب135 الف رقم واحد وكان فى رقم اتنين مواصفات اكتر بس زياده 14 الف فاى فيهم احسن فى مصر وكمان بيقولى العربيات الاروبى عملوا اتفاقيه السيارات صديقه البيئه مفهاش لاطفايه سجاير ولا ولاعه سجاير هل الكلام ده مظبوط وقولولى ايه رايكم فى العربيه الفيات دى حلوه لانى اول مره اشترى عربيه فى مصر واسوق فى مصر وايه المده اللى تعيشها العربيه معايه بالمحافظه من غير موديها تتصلح ولكم الشكر وارجوا الرد عشان لو كده ممكن اجيب الفئه رقم اتنين مواصفات لو احسن

رد: موضوع مهم بجد ياريت تفيدونى
 

بصرف النظر عن اي حاجه العدبية ديه تحفو واهنيك علي اختيارك الموفق

رد: موضوع مهم بجد ياريت تفيدونى
 

أنا شوفت البرافو فى المعرض فعلا عربية مش ناقصها حاجه و أضم صوتى لسمسم فى تهنئتك على إختيارك
لكن .....
إزاى تحجز عربية و تبقاش عارف عنها كل حاجه

العربية جديده فى مصر فمحدش عارف إيه الأحسن و إيه الأوحش

إنصحك تروح المعرض تانى و تسأل عن مواصفات كل سيارة و تقارن بنفسك
لكن عموما الأغلى تبقى أحسن لأن فيها كل الكماليات و الإمكانيات
لكن أقدر أقولك و من خلال اللى إتكتب فى الصحف إن الفرق الأساسى فى الموتور
فيه موديل بموتور عادى 90 حصان
و الأعلى بموتور تيربو 120 حصان يعنى أداء رياضى أكتر و عربية وحش على الطريق

ثانيا أكيد إنت مدخن علشان كده همك قوى موضوع الطفاية و الولاعة لكن ده مش عيب خالص يعنى إزاى الواحد يقول على عربية وحشه علشان مفيهاش طفايه !!!!!!!!!

رد: موضوع مهم بجد ياريت تفيدونى
 

اتفق مع اسلام وحازم لازم تكون متاكد من موافقتك واقتناعك بالكماليات والفروق بين الموديلين لان فرق المحرك كبير ويستاهل الدراسة

اما عن موضوع الطفاية فده طبعاً عيب بايخ جداً طبعاً ربنا يعفينا من العادة السيئة ديه بس يعنى هو انا لما ادخن السجاير فى عربيتى هبقى بضر البيئة
طب يعنى لما يشيلو الطفاية انا اطفى فين طيب
طيب لو انا مش هدخن فى عربيتى وركب معايا صديق عايز يدخن اقولة متدخنش علشان البيئة !!

رد: موضوع مهم بجد ياريت تفيدونى
 

هى عربية حلوة طبعا و تصميمها يفوق الوصف,
دايما هذه الفئة من فيات عظيمة, ال131, الريجاتا, التمبرا, البرافا, الستيلو, ثم البرافو.
عموما متقلقش السيارة من صانع عريق و له اسمه, و عموما سيارات فيات معمرة جدا.
موضوع الولاعة لو زى ما بتقول يبقى حاجة سخيفة فعلا, بس فيه عربيات كتير بقت كده مش الأوروبى بس, سمعت السوبارو كمان فيها العيب ده, بس بص على العربية فيها مكان للولاعة و الطفاية و لا لأ, و عموما ليها حل لو جبت علبة و مليتها رمل و زنقتها فى اى حتة هتقضى الغرض.
و مبروك على العربية و ربنا يباركلك فيها, هى عربية جميلة و عاوزة واحد يكون البترول بيجرى فى دمه!!
و مستنيين التقييم يا باشا.