مصر موتورز مجتمع السيارات - شوية إستفسارات فنية للخبراء

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - شوية إستفسارات فنية للخبراء (https://www.masrmotors.com/vb/showthread.php?t=96249)

شوية إستفسارات فنية للخبراء

السلام عليكم
مقدمة تاريخيه:
اليومين اللى فاتوا عملت عمرة و أكس و باب للكربراتير و شوية شغل فى السيرفو بتاع الفرامل.

أولاً: العربية فى بداية التليين كان الموتور بيعلا و يوطى لواحده و بشكل كبير, طبعاً مشكلة فى الكربراتير بس قلت خليه لما أخلص تليين خالص.
دلوقتى الموضوع ده بدأ يقل شويه (لسه موجود برضه) بس فيه مشكله بقت واضحه جداً: كل ما أنقل غيار و أرفع رجلى من عالدبرياج العربية تفضل مكلبشه و تروح نطه فجأه عالغيار اللى بعده طبعاً بعد ما أكون زودت بنزين كتير(لأنها مكلبشه)
المشكلة دى من الكربراتير و لا من الدبرياج و لا من الفرامل و لا منّى أنا و لا من الفلول و لا من د. محمد مرسى و لا منيييييييييييين؟؟؟؟؟؟

ثانياً : فى صوت فى الشكمان كأنه شرقان أو مخنوق و فيه رنّه خفيفه (مش عارف أوصف الصوت بس كأن الموتور بيسقف و خلاص هيقف و الصوت طالع من الشكمان )

ثالثاً و ده مهم بالنسبالى: التليين يخلص إمتى؟ يعنى بعد عدد كيلومترات معين و لا لما أخلص كمية بنزين معينه و لا ؟؟؟؟؟؟ بحيث أعرف أزود عن ال60/70 كم اللى بتخلى الناس تبصلى عالطرق السريعه كأنى راكب بطه.

رابعاً : لما بدور العربيه بأحتاج أسند بنزين كذا مرة و أعلق إيدى عالمارش كتييييير علشان تلقط (طبعاً ده غلط عالمارش بس أعمل إيه), ده عيب أيه؟ أغير البوجيهات و لا أسيبها لما أخلص تليين و لا أيه؟ - البطارية لسة شاحنها على تونجر, بس فى العمرة الميكانيكى منّه لله طمع فى طقم البوجيهات اليابانى الجديد اللى كنت مركبه و ركبلى بوجيهات من عنده.

جزاكم الله عنا كل الخير

رد: شوية إستفسارات فنية للخبراء

اقتباس:

كل ما أنقل غيار و أرفع رجلى من عالدبرياج العربية تفضل مكلبشه و تروح نطه فجأه عالغيار اللى بعده طبعاً بعد ما أكون زودت بنزين كتير(لأنها مكلبشه)

معلش .........انا مش فاهم الحتة دى خااااااااااااااالص

رد: شوية إستفسارات فنية للخبراء

اقتباس:

المشاركة الأصلية كتبت بواسطة mr_astra (المشاركة 749036)

معلش .........انا مش فاهم الحتة دى خااااااااااااااالص

أنا مثلاً طلعت عالأول, و بعدين بأدوس دبرياج و أجيب التانى و أرفع من الدبرياج بالتدريج و أنا بزود بنزين, العربية تفضل ماشية عالأول شويه أثناء حركة الدبرياج مع البنزين (مفيش أى إستجابه) و فجأه إلاقيها نطت , بالضبط كأنك كنت مزود بنزين و ماسك الدبرياج للآخر و رحت سايبه فجأة , و ده طبعاً مع كل الغيارات.

رد: شوية إستفسارات فنية للخبراء

اعتقد المشكلة دى من الدبرياج مش بيرجع لوحدة يعنى الدبرياج بيقوم بنص الدور المطلوب منة بس وهو فصل الحركة انما وصل الحركة مش بيقدر يقوم بيها ودة بيكون عيب الدسك الرق بتاعة طرى مش بيرجع لوحدة او ان فحمة الدسك تكون اتكسرت اثناء تركيب الفتيس

رد: شوية إستفسارات فنية للخبراء

10000000000000 شكر مستر أسترا, أرجو الرد على باقى الإستفسارات