مصر موتورز مجتمع السيارات - أذاى أفك وأصين الدينامو بتاعى

الدينامو عبارة عن جزئين اساسيين
الاول وهو العضو الثابت ويوجد بة المخدات (سلك نحاس معزول)
الثانى وهو العضو الدوار (البوبينة) وهو من اسمة عضو دوار بياخد حركة من السير وهو عبارة عن شرائح من الصلب السليكونى المعزولة عن بعضها وتمثل شكل العضو الدوار ولكن يوجد على سطحها شقوق بالطول وبداخلها اقطاب من النحاس المعزول........ونهاية تلك الاقطاب موصلة مع بعضها البعض عن طريق الكوليكتور( الكروكتور)
ويلامس سطح الكروكتور الشربون المتصل بالعضو الثابت
كما توجد داخل الدينامو ما يسمى بقاعدة الدينامو وهى عبارة عن برنتد المستخدم فى الاجهزة الاكترونية مثل التى فى ومثبت عليها دايودات لتوحيد التيار

ولو اتقمصنا دور كهربائى السيارات يبقى نقول
اللى بيبوظ فى الدينامو
1 قاعدة الدينامو
2- الشربون
3- رولمان البلى
دول اشهر عيوب الدينامو وصعب تلاقى دينامو اقطابة او مخداتة محروقة
كمان فى دينامو ذات كتاوت شحن داخلى بيكون الكتاوت مدمج مع الدينامو
وفى ديناموهات الكاتوت خارجى مثبت على جسم السيارة
الجهد الخارج من الدينامو فى كل الاحوال لازم يكون 14 فولت دة اساسى اكثر من كدة غلط على البطارية واقل من كدة البطارية هاتفضى
ومتابع مع حضرتك بامر الله