بالله عليكم ساعدوني انا تعبت العربية اوتوماتيك و بتبطل و جربت كل حاجة
 

معايا نيسان صني 2005 مستعملة اشتريتها من واحد منه لله
كانت عاملة 130 الف كيلو و حالتها كويسة
العربية اول ما اشتريتها كانت بتبطل كتير, عملتلها سيرفيس و غيرت بوجيهات و فلتر بتزين و فلتر زيت باين و هوا و زيت فتيس و زيت فرامل و تيل فرامل و مقصات و كبالن و ناقص اغير الموتور بقي :(

المهم كانت لسا بتبطل قمت حاطط السائل اللي بيتحط مع البنزين دا و بينضف و فولت ب 95 و لسا بتبطل
رحت التوكيل قالولي الطرمبة, غيروها و التبطيل قل كتير, بقي مرة في اليوم..و لسا بتبطل
طبعا الميكانيكي قالي دا الرشاشات عايزة تتنضف و انت اقرص عليها و شوية التبطيل دا هيروح خالص بس لسا بتبطل

العربية بتبطل عالسلانسيه و نور البطارية منور, لسا مغير البطارية من يومين و لسا منور برضو
رحت لكهربائي قالي انت عندك نور البطارية مؤشر حاجتين, البطارية و الانجكشن عشان انت معندكش نور للانجكشن زي العربيات التانية, فدا معناه ان البطارية منورة بس مش عيب بطارية, وانا اتاكدت و بصيت علي عين البطارية لقيتها خضرة يعني سليمة

بالله عليكما احنا مش عارفين نفرح بالعربية و متنكد علينا و صرفنا كتير و اهلي بقي خايفين يسيبوهالي لانها وقفت بينا مرة عالدائري و امبارح علي كوبري فيصل و مرة في طريق كارفور الصحراوي

العربية دي عايزة ايه؟ بجد بجد تعبنا..مع ان التوكيل كشف عليها بالكمبيوتر و شافها ميكانيكي و احنا بنشتريها و شافها برضو بنزينة بالكمبيوتر مطلعوش في الموتور عيب؟
حد يساعدني

رد: بالله عليكم ساعدوني انا تعبت العربية اوتوماتيك و بتبطل و جربت كل حاجة
 

طيب هى لما بتبطل بتدور بعدها علطول و لا انت بتدورها ازاى ؟؟؟

رد: بالله عليكم ساعدوني انا تعبت العربية اوتوماتيك و بتبطل و جربت كل حاجة
 

وارد يكون صمام الايدل خاصة انه فى بعض العربيات ميبانش فى السكان
و بعدين اللمبة اللى على شكل بطارية ديى ملهاش علاقة بحالة البطارية دا عشان شحن الدينامو
فحضرتك برضه عندك مشكلة فى الشحن

رد: بالله عليكم ساعدوني انا تعبت العربية اوتوماتيك و بتبطل و جربت كل حاجة
 

بتبطل بعد ما امشي بيها فجاة كدة غير متوقعة, مش اول ما ادور لا

رد: بالله عليكم ساعدوني انا تعبت العربية اوتوماتيك و بتبطل و جربت كل حاجة
 

حضرتك العربية عند الكهربائي دلوقتي بيقول ممنك يكون حساسات و حساس الكرنك او حلجة كده و بيقول هيصلحها, ربنا ييسر بس مفيش حاجة في الدينامو الكهربائي بيقول سليم