استفسارات عن لانوس 2
 

العربيه لانوس 2 كانت ماشيه تمام لغايه اخر تفويله بنزين لقيت العربيه بتنتش و مش مظبوطه و بعدها بيومين صوت الشكمان بقى ساعات لما العربيه تمشى فتره صوته يعلى و فى ريحه عادم جوه العربيه بقيت لما ادوس بنزين على السلانسيه دوسه خفيفه الاقى العربيه بتترج و زى متكون هتطفى و لما ازود الدوسه سنه تانى صوتها يعلى كانى دست بنزين مره واحده و كل ده اكيد بسبب البنزين اكيد مخلوط على حاجه المهم ايه اللى ممكن يكون البنزين بوظه عشان العربيه تعمل كده

ثانيا العربيه عندى الفرامل كانت ضايعه و مبتمسكش للاخر اخرها تهدى العربيه رحت للميكانيكى لقى الخرطوم اللى بين السيرفو و الموتور مسدود فسلكه بس بعدها الفرامل بقى احسن شويه بس بردو مش اوى و بقى فى رعشه فى بدال الفرامل لما ببقى دايس عليه و الميكانيكى بيقولى ده طبيعى فايه رايكو فى الكلام ده ؟

و عاوز اعرف هو الفتيس بياخد اد ايه زيت لانى لما غيرت الكبالن اتكب كتير و لما جيت ازوده زودت كيلو و بردو كان لسه ناقص فكنت عاوز اعرف هو بياخد كام لتر و انا حطيت زيت توتال 80w90 ده كويس ولا ايه ؟

رد: استفسارات عن لانوس 2
 

شكل البنزين مخلوط بميه
حضرتك مونت منين ؟

رد: استفسارات عن لانوس 2
 

البوجيه قاطع أو الكويل شغل 3 شمعات فقط
والدليل على كدة رائحة العادم ولو مسكت عصاية فرامل اليد حتلاقيها سخنه لدرجة انها تلسع

اخر حاجة تشك فيها البنزين

بالنسبة للزيت اتفرج على الرابط ده http://www.masrmotors.com/vb/showthread.php?t=83958

رد: استفسارات عن لانوس 2
 

انا مش من القاهره يا باشا انا من المنيا و البنزينه اللى حطيت منها كالتكس

اما عن موضوع البوجيه ماظنش ده العيب لانو كل العيوب اللى بقولها ابتدت بعد مطلعت من البنزينه بدقايق و كنت داخل البنزينه العربيه زى الفل فغالبا العيب فى البنزين بس انا خايف يكون بوظ حاجه تانى فهو ده سؤالى ممكن حاجه تكون باظت و مسببه كل ده ولا البنزين بس

رد: استفسارات عن لانوس 2
 

دليل المالك للسيارة الانوس
صفحة : مواصفات و بيانات الخدمة 9- 3

التشحيم :
زيت ناقل الحركة اليدوى

السعة :
1.8 لتر

فترات الخدمة :
فحص كل 10000 كم ( 6000 ميل ) او كل 6 شهور ثم اعد التعبئة اذا لزم الامر ( تغيير السائل غير ضرورى )

التصنيف :
SAE 80W و فى المناطق الباردة جدا SAE75W

طريقة قياس مستوى الزيت

1. الفتيس يكون بارد او تقدر تلمسه بايدك
2. العربية تكون مستوية يعنى يا مرفوعة او على بير
3. تفك طبة الكشف
4. الزيادة تسيبهم ينزلو و تقفل على كده
5. لو منزلش حاجة و مقدرتش تتأكد انه فى نفس مستوى الحافة السفلية للفتحة
6. تفك طبة الفايظ العلوية
7. تزود منها بشويش
8. اول ما الزيت يبتدى ينزل من فتحة الكشف
9. اقفل على كده

الرعشة اللى فى بدال الفرامل عن نفسى موجودة عندى و متعايش معاها لانها مش كبيرة و علاجها لو الخراط قال ينفع الطنابير الامامية تتمسح او حتضطر تغيرها و التيل طبعا
و احتمال يكون السبب ان جلب مسامير الدشمة مبوشة

حكاية البنزين يا إما كان فيه شوائب و يفضل تغير فلتر البنزين و تجرب
لو مفيش فايدة يفضل للاسف تفك التانك و تنضفه من اثار الميه و يا رب تبقى على قد كده لان لو لا قدر الله كان فعلا فيه ميه حتبوظ حاجات كتير