|
رينو سانديرو مانويل ولا اوتوماتك؟؟؟؟!!!!!
السلام عليكم ...
طبعا عايز الاول اشكركوا على تعاونكوا الشديد ... اكيد كل حد بيخش عالم الرينو بيحس كده معاكوا... المهم انا قررت ان شاءالله انى اشترى رينو سانديرو... وكنت عايز اجيب الاوتوماتك ... بس من بعض الكلام كده وبعض الشكواى اللى فى لوجان اوتوماتك قلقت؟؟؟!! ياريت يا جدعان حد يجيبلى من الاخر هل فى عيوب فعلا فى الاوتو ولا ايه؟؟ مع العلم انى معنديش مشكلة اجيب مانويل لو افضل. اخر حاجه... ايه افضل مكان اجيب منه السانديرو عموما والاوتوماتك خصوصا.. لأن (التوكيل قاللى هاتستلم كمان 3 شهور!!!!) ايه الكلام ده...!!! وشكرا |
رد: رينو سانديرو مانويل ولا اوتوماتك؟؟؟؟!!!!!
اولا كل عام وانت بخير
بص ياباشا بالنسبة للسانديرو هى مثل اللوجان بالظبط بس هاتش باك انا انصحك بالمانيوال لأن الاوتوماتيك عامة فى اى سيارة ماعدا السيارات الفئة العالية زى الالمانى بيبقى اداءه مش حلو يعنى تقيل والعربية لو عايز تجتاز بيها عربية قدامك هتاخد وقت على ماتسحب وعلى ماتجيب الغيار اللى قبل كده وصوت الموتور يجيب اخره لكن المانيوال انت اللى بتتحكم فى السرعة براحتك ولو عايز تسابق بيه هتسابق بسهوله اما بالنسبة للشراء انا اشتريت اللوجان 2011 من المصرية للسيارات فرع الاسكندرية فى جرين بلازا واستلمت فى نفس اليوم وبعديها بـ 3 ايام رخصت |
رد: رينو سانديرو مانويل ولا اوتوماتك؟؟؟؟!!!!!
دلوقتي ياباشا السانديرو او اللوجان هما الاتنين واحد الاختلاف في الشكل فقط
الاوتو في السانديرو مفيهوش عيوب غير انه بيستهلك بنزين عالي شوية ودا موجود في كل العربيات الاوتو وكمان في موضوع النتشة ودا عليه كلام كتير جدا عموما هوا الاوتو مريح جدا في الزحمة انما المانيوال موفر في البنزين يعني انتا لو عايز الراحة في السواقة على حساب التوفير في اللبنزين هات الاوتو ولو عايز التوفير في البنزين على حسب الراحة هات المانيوال ومبروك مقدما :Wkiss5: |
رد: رينو سانديرو مانويل ولا اوتوماتك؟؟؟؟!!!!!
الف شكر يا جماعة .... هى شكلها كده هاترسى على المانويل ... وانا كده كده عمرى ما سوقت اوتوماتك اصلا ....:shyy:....
|
رد: رينو سانديرو مانويل ولا اوتوماتك؟؟؟؟!!!!!
اقتباس:
|
| الساعة الآن 10:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017