|
الفحص الفني
السلام عليكم ورحمة الله
اشتريت سيارية 128 مستعملة بتوكيل ورخصتها هتنتهي في شهر 10 ان شاء الله - والفحص الفني سنة 2014 واتعلمت عليها وخبطت فيها وبقت محتاجة شوية شغل سمكرة خفاف فهل لما اروح انقل ملكية فى الشهر العقاري هرخص بس ولا لازم افحص كمان علما باني هرخص فى نفس المرور - ولو لازم افحص هل لازم اعمل السمكرة والدوكو ولا هما بيركزوا فقط على الاساسيات زي الموتور والعادم خاصة ان كتير نصحونى معملش سمكرة لانى لسه هخبط تاني لانى بتعلم لسه. كمان لما اروح الشهر العقارى هل بروح فقط بالبطاقة وانقل ملكية لنفسى ولا لازم اجيب شهادة مخالفات كمان علما بان معايا شهادة مخالفات من اربع شهور تقريبا فهل كدة تعتبر منتهية معلش اسئلة كتيرة لانى اول مرة ارخص وربنا يجزيكم كل خير |
رد: الفحص الفني
بص يا اخى بالنسبة للشهر العقارى هتروح بالبطاقة والرخصة وتسجل لنفسك وعموما شهادة المخالفات اولا ملهاش استخدام فى الشهر العقارى اللى ممكن تحتاجها شهادة البيانات فى حالة لو رخصة العربية منتهية لكن هتحتاج شهادة مخالفات جديدة فى الترخيص لان شهادة المخالفات مدتها 15 يوم بس وبالنسبة للفحص لازم هتفحص لانك هتنقل ملكية وموضوع السمكرة دة والله حسب المرور اللى انت تابع لية وحسب سكتك هناك يعنى فى مرور فيصل الواحد بيفحص العربية من غير ما حد بيبص عليها اصلا مش اكتر من انك بترفع البصمة فقط ولكن طبعا دة بالطريقة والسكك هناك وعموما ربنا يوفقك ساعتها وتخلص مشوار المرور دة على خير لانة بصراحة مشوار رخم اوى ودى معلوماتى على حد معرفتى وتحياتى .:fun_36_3_11[1]:
|
رد: الفحص الفني
لا ياباشا لزم سمكره كمان انت لما تعمل نقل للملكيه كدا معناها ان الرخصه مش تنفع تمشى بيها لان العربيه مش بقت بتاعت صاحب الرخصه الى بأسمه فانا انصحك خبت فيها لحد شهر 10 وقبل الترخيص ابقى ظبط السمكره
وانقل ملكيه وروح رخص فى نفس اليوم على شان تبقى العربيه جديده من كله وتبقى ريحت دماغك منها كلها فى اسبوع واحد:fun_36_3_11[1]: |
رد: الفحص الفني
الاخ rokaa92
والاخ king2islam جزاكم الله خيرا على اهتمامكم واجابتكم الشافية والوافية وجعلها الله فى ميزان حسناتكم |
| الساعة الآن 08:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017