مشكلة مدوخانى وارجوا المساعدة
 

اشتريت عربية متسوبيشى جالانت موديل 1990 كاملة اوتوماتيك 2000 سىسى وكانت ماشاء الله عليها جميلة فى كل شىء و لكن فجاءة حصلت مشكلة مضيقانى جدا فى الفتيس و مش لاقيلها حل و هى ان بدات الاقى نتشة فى الفتيس و تاخير فى الغيار و بحسها مكلبشة اثناء فصل الغيار من السرعات العالية الى الاقل منها افيدونى و جزاكم الله عنى كل خير

رد: مشكلة مدوخانى وارجوا المساعدة
 

ممكن الفتيس بدأ يهبل .. لو العربية قريبة من ال 100 الف او فوق ال50 الف و مغيرتش فتيس قبل كدة يبقى ممكن انت عندك مشكلة في الفتيس ... على العموم اكشف عليه عشان دي ممكن تكون مشكلة بس في النظام مش اكتر ... بسيطة ان شاء الله :Bravo:

رد: مشكلة مدوخانى وارجوا المساعدة
 

اكشف على زيت الفتيس لو ناقص زوده او نزله خالص وحط زيت جديد مع تغيير الفلتر او تنضيفه بالبنزين ....

وشوف ربنا يسهل وتظبط معاك ومتدخلش فى موال تسقيط فتيس ......

رد: مشكلة مدوخانى وارجوا المساعدة
 

فى الغالب زيت الفتيس محتاج يتغير واغسل الطبة بالبنزين ( الطبة تحتوى على مغناطيس لتجميع الرايش )

رد: مشكلة مدوخانى وارجوا المساعدة
 

اشكركم جميعا لمشاركتى و محاولة مساعدتى زيت الفيس مش ناقص و لونه احمر وليس له رائحة شياط و الغريب ان المشكلة ظهرت فجاءة انا ماكنتش بحس خالص بنقل الفتيس لدرجة انى لم اكن اعرف هى 4غيار ولا 5 غيار و بدات ادوخ عند الميكانيكى ده و بتاع الفتيس ده ؛ واحد يقولى الفتيس عايز يتغير و واحد يقولى حساس tpsعايز يتغير و طبعا دوخت و مش لاقيه و واحد يقولى غير الكاربراتير بواحد بتاع لانسر 1990 بالحساس بتاعه مع ان اللانسر 1300 و الجالنت 2000 سى سى ماعنتش عارف اعمل ايييييييييييييييييييييييي يييييييييييييييييييييه ياريت لو حد تعرض للمشكلة دى يفيدنى و جزاكم الله عنى خيرا و اشكركم مرة اخرى على تعاونكم معى