مشكله فى حساس السرعه اللى عالفتيس
 

السلام عليكم ورحمه الله وبركاته
عيد سعيد عليكم ياجماعه وان شاء الله تكونو بخير وصحه دائما

المهم انا معايا مازدا 3 وانا ماشى بيها النهاردة لقيت لمبه الAT اللى هى اعطال الفتيس نورت استغربت جدا ونزلت بصيت على زيت الفتيس لقيته سليم ونضيف المهم طفيت ودورت تانى اللمبه طفت وبعدها نورت تناى بعد مااتحركت ببيها
المهم لقيت ان عداد السرعه مش شغال بس بقيت الامبيرات شغاله من ار بى ام لحراره
فهل العيب دة كدة ف الفيشه بتاعت حساس السرعه اللى عالفتيس؟؟ ولا المشكله منين
انا عارف ان الصح انى اكشف كمبيوتر وهكشف فعلا بس كل الصنايعيه واخدين اجازة وانا عاوز اعرف منكم المشكله دى منين
على فكره انا كنت غسلت العربيه والواد شكله متخلف وغرق الدنيا بالميه لان حتى حساس الشكمان كان دخله ميه ولمبه التشيك انجن نورت
وجزاكم الله خير وكل سنه وانتو طيبين يارجاله

رد: مشكله فى حساس السرعه اللى عالفتيس
 

ايه يارجاله كفايه اكل كحك وبسكويت 72 مشاهدة وولا رد واحد

رد: مشكله فى حساس السرعه اللى عالفتيس
 

طيبما تعمل ايدل ليرن و تشوف الحكاية حتظبط و الا ايه

رد: مشكله فى حساس السرعه اللى عالفتيس
 

شكرا يابرود باند على ردك السريع واسف على التاخير بس كان ليا تعقيب على كلام حضرتك
انا النهاردة جيبت سبراى ونضفت كل الفيش اللى عالفتيس محصلش جديد
بس لاحظت ان اول مالعربيه تدور عداد السرعه بيبقى شغال عادى لحد سرعه معينه ولمبه اعطال الفتيس تنور وعداد السرعه يقف بس الار بى ام شغال عادى جدا
اللى محيرنى ان النقلات عاديه والسحب عادى جدا والكيك داون شغال عادى برده بس بحس ان العربيه مبرجله شويه

انا جه ف دماغى ان ممكن يكون فى حاجة ليها علاقه بحساس السرعه عندى ف الناحيه اليمين من العربيه لان ف مره كنت عندك كهربائى وعرفت منه ان الحساس عاليمين فممكن يكون هو دة اللى عاوز يتنضف مثلا ولا ايه راى حضرتك؟
اشف على الازعاج وعيد سعيد عليك ان شاء الله