|
هشترى لانسر بوما 2008 وعايز مساعدتكم
بسم الله الرحمن الرحيم السلام عليكم ورحمه الله وبركاته يارب تكونوا بخير هدخل فى الموضوع على طول ان شاء الله نويت اشترى عربيه وقدامى لانسر بوما 2008 عايز اعرف عنها كل كبيره وصغيره وياريت اهل الخبره يشاركونى عايز عنها كل معلومه تتخيلوها وان كانت تافهه بالنسبه ليكوا اكيد هاتفيدنى لان دى اول مره اشترى عربيه عايز اعرف كل مميزات وعيوب البوما 2008 وبالخصوص قوه الموتور - فيها (ABS - EBD - BA) ولا لأ - فيها مثبت سرعات ولا لأ وسعه التانك - السحب - الثبات وايه الفرق بين الـ GT والـ GTS وسعر النوعين لو حاله السياره جيده دى حاجات عايز اعرفها ضرورى وياريت اللى عنده اضافات مايبخلش عليا وياريت ياجماعه سرعه الرد لانى ان شاء الله هشتريها بكره او بعده بالكتير شكرا مقدما
|
رد: هشترى لانسر بوما 2008 وعايز مساعدتكم
ايه ياجماعه 40 مشاهده ومفيش ولا رد واحد :fun_10_1_124[1]: |
رد: هشترى لانسر بوما 2008 وعايز مساعدتكم
بص ياباشا اولا اللانسر مفيهاش غير الABS بس وثانيا هيا اصلا مفيهاش لا مثبت سرعة ولا بلوتوث ولا مالتي فانكشن ... هيا سحبها حلو وكويس وثباتها كويس كمان ... وانا معرفش سعرها بالضبط بس ممكن تعمل بين 73 و78 الف على حسب الحالة والفئة ... في النهاية انا انصحك انك متجيبش المستعمل اصلا وتبعد عنه لان 99% من المستعمل مضروب ومليان خوازيق ... فكر في حاجة زيرو في الفئة السعرية دي او ادفع فلوسك مقدم وهات اللانسر زيرو افضل منها كمستعمل ... واي استفسار انا تحت امرك ...
|
رد: هشترى لانسر بوما 2008 وعايز مساعدتكم
شكرا ليك ياشريف طيب ايه السيارات اللى تنصحنى بيها فى الفئه السعريه دى ولو اخدت اللانسر وكشفت عليها ميكانيكا وكهربا ولقيتها تماما ايه رأيك ادوس فيها ولا برضه ابعد عنها كمان ايه رأيك فى bmw 318i 2002 وسعرها فى حدود كام العربيه دى داخله دماغى جدا بس للاسف مش لاقى منها |
رد: هشترى لانسر بوما 2008 وعايز مساعدتكم
اقتباس:
|
| الساعة الآن 10:39 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017