زيت 140
 

السلام عليكم أعضاء المنتدى الكرام
أولا كل سنة وانتم طيبين وانشاء الله عيد سعيد عليكم
اليكم التجربة منذ 5 أيام قمت بعمل الاتى بعد استشارة خبراء المنتدى الكرام

1. اشتريت جركن زيت مصر للبترول 140 (الزيت لونه مدى على أخضر الزيت لزوجته عالية جدا عن التعاون 140 لأنى شوفت الاثنين )
2. كان معايا شحم بترومين مكنتش استخدمت منها كتير

جيت فى يوم قبل السحور والعربيو باردة خالص نزلت الزيت الكارونة خالص وسبته يصفى مع نفسه
واتسحرت وبعد الفجر والدنيا زى الفل حطيت الشحم فى كيس وحليته بشوية زيت وفكيت طبة التزويد ووهى هى طبة المقاس ودخلت الشحم وبعد كده فضيت الزيت جوه الكرونة (كنت من فترة لقيت اضافات زيت جيربوكس فى بنزينة محطوط فى علبة زى البيريل ومعاه خرطوم تدخله داخل طبة التزويد) مش عندك زى ماقولتلك علبة صابون سائل بيريل وهتقطع طرفها بقطر وحطلها خرطوم ميزان المياه الواسع وبعد كده رفعت العربية بالكوريك من النص وكان الغرض انى اقلب الشحم مع الزيت دورت وعشقت الاول وسبت ادبرياج بحرص لحد ما العجل ابتدى يلف وبعد كده لم العده واطلع نام عشان فى شغل الصبح

1. فى أول يوم ما لاحظتش أى تغيير وكنت هاطق بعد الفلم ده كله وفعلا من بدايه
2. اليوم التالت باليل وانا ماشى لاحظت صوت الكارونة خف جدا يادوب زنه ولكن مقبولة للأذن عكس الفضيحة اللى كانت قبل كده ووحوحة وحاجات غريبة (كان التفسير ان الجو ليل الزيت لسة تقيل ومافكش )
3. الصبح للحظت ان الصوت مقبول وكان المشوار اللى انا رايحه 100 كم الملاحظ ان الصوت بيظهر قوى عند 60-80 وبيقل جامد على سرعة 100 كم ولا يمكن عشان على 100 ال rpm بيكون منخفض

الخلاصة الحمد لله أقدر أمشى بيها كده فعلا فى تحسن عن الاول ولكن لن يختفى الصوت بالكامل وده طبيعى لأن الكارونة كده شنشت لاكن حل لحد ما أغيرها كمان زيت مصر للبترول فعلا زيت محترم جدا عن تجربة مع الفتيس زيت 90 من 7 شهور والزيت لسه محتفظ بلونه وقوامه

رد: زيت 140
 

الف شكر على نقل التجربة

رد: زيت 140
 

انا الكرونة عندى بتون خفيف
لكن مبوشة من عند الكردان بين النقلات
ومع المشى بتخبط جامد
وده بسبب بوش ترس البنيون والتاج
وحاليا مليتها شحم وزيت 140

رد: زيت 140
 

الكارونه عندي كان فيها صوت ونه دائما ولما قولت اصلحها بعد ما شوفت تجربة زميل فى اصلاح الكارونه عند واحد فى حدائق القبه
رحت للصنايعي ده علشان يشوف لي الكارونه وكان من المفترض انه يغير لي التروس اللي جواها
فلما فكينا الكرونه لقاها الحمد لله سليمه ومكنش فيها مشكله الا فى بليه حوالين عمود البنيون دي اللي غيرها ب 50 جنيه و قفل وجربنا الحمد لله مفيش صوت وخد مصنعيته 150 ومشيت رجعت الزقازيق
عدى شهرين ثلاثة وانا مسافر مصر يوم جمعه الاقي صوت ونه جامده فحسيت انها الكارونه وقولت مش هقف احسن تقفش مني ومش ينفع امشي ومشيت عليها واحده واحده لحد لما دخلت بنزينه شوفت الزيت بتاعها فعلا كان ناقص جدا وانا مش كنت عارف كان فكملته ومشيت لقيت النحره رجعت تاني فلغيت مشواري وطلعت علي الصنايعي تاني قال لي ان دي كده كارونه اتحرقت
مشيت بيها 6 اشهر علي كده و كنت بحط اضافه من اضافات زيوت ليكو مولي ودي زي الشحم واتقل المفروض العبوة بتتخلط علي 2.5 لتر زيت انا كنت بحطها كلها علي الكارونه وهيا اصلا بالكتير 1.5 لتر

وفى الاخر لما زهقت وجبت اخر منها غيرتها بواحده كنت موصي علياواحد من بتوع الاستيراد جبتها منه علي 1900 وكانت كارونه سريعه غير البطيئة اللى كانت راكبه عندي

فاللي عنده مشكله فى الكارونه يضيف زيت درجه 140 مع اضافه زيت الكارونه بتاعت ليكو مولي ب 55 جنيه
انا جربت اكبس الكارونه كلها شحم وعملت كل حاجه لحد ما استقريت علي الحل ده كمؤقت