Bmw E30
 

السلام عليكم اولا انا اخوكم احمد تجاره الازهر عندي ليكم كام سؤال و يارب ما اطولش عليكم بالنسبه لل bmw e 30 انا اللي اعرفه اها دفع خلفي كل اللي شفته فمصر معرفش ايه نظام الدفع بتاعه بس مافيهوش brake disck http://www.cartuningparts.co.uk/img/...625050_500.jpg و كل ما اشوف حد من بلاد السند و الهند هههههههه الاقيه مركب http://www.youtube.com/watch?v=mPDyM...eature=related و تاني سؤال هيا فعلا ال brembo brake ب 1000 دولار ؟ معلش اهم سؤال ال e30 تعمل كام الفتره دي و معلش طولت عليكم

رد: Bmw E30
 

اهلاً بيك يا احمد فى مصر موتورز

بالنسبة لنظام الدفع فهو خلفى زى غالبية عربيات بى ام دابليو اللى بتعتمد اساسا ً على الدفع الخلفى واحيانا الدفع الرباعى او ما تسمية بى ام دابليو X drive وديه موجودة فى عربيات الفئه اكس او فى باقى الموديلات بالاخص المعدة للتسويق فى اوروبا وامريكا
لكن اكتر الموجود فى مصر دفع خلفى فقط

موضوع اسطوانة الفرامل ده انا مش فاهم قصدك ياريت توضح السؤال اكتر

بالنسبة لفرامل بريمبو لازم الاول تحدد انهى موديل مناسب لموديل عربيتك عن طريق الكتالوج ده

http://www.bremboaftermarket.com/En/...ue_Search.aspx

وبعدين تشوف احسن سعر ومين بيبع الموديل ده

بس بالنسبة لان السعر يوصل ل 1000 دولار فده رخيص كمان او لموديلات بسيطة او بدائيه لاستخدامات السواقة العادية اما الموديلات الحديثة او الاكثر اداء فاسعارها بتعدى ال 3 و 4 الاف دولار وفى اغلى كمان وده لل KIT او المجموعة كلها سواء كانت خلفيه او امامية

اما بخصوص السعر فهو كباقى موديلات البى ام حسب الحالة وسنة الموديل والموتور وخلافة وده يخليك تلاقى عربيات بدايه من 25 الف للحلات التعبانة لحد 50 الف للحالات الشاذة والكوبيهات او كابورلية

رد: Bmw E30
 

شكرا يا وائل باشا علي الرد انا قصدي فموضوع فموضوع اسطوانه الفرامل زي مثلا الكيا السيراتو احيانا تلاقي اسطوانه امام و خلفي مجرد فرامل يد عاديه اللي هيا دي http://0.tqn.com/d/autorepair/1/0/I/4/79088105.gif و ده منظر الفرامل الخلفيه اللي شفتها في كل ال bmw ال e30 فمصر انا قصدي ان في ناس يحولو من المنظر اللي فوق و يخلوه كده http://i171.photobucket.com/albums/u...rBrakeRR08.jpg و ده اللي موجود في الفديو اللي فات و معلش طولن عليك

رد: Bmw E30
 

و معلش سؤال تاني انا اللي اعرفه انها مانيوال المشكله اني شوفت منها اوتو دي الصراحه برده ملغبطه الدنيا عندي شويه و معلش متقل عليك

رد: Bmw E30
 

http://0.tqn.com/d/autorepair/1/0/I/4/79088105.gif

http://i171.photobucket.com/albums/u...rBrakeRR08.jpg


بص يا باشا اللى فوق ديه اسمها (طنابير ) وهى نوع من الفرامل اقل كفائه من اللى تحت (ديسكات)
بتستخدم الطنابير عادى فى الفرامل الخلفية للعربيات اللى مش معمولة لاداء رياضى وطبعا الطنابير ارخص واسهل فى صيانتها وتصنيها من الديسكات

الديسكات ادائها افضل طبعاً بس محتاجة صيانة اكتر (استبدال تيل وظبط) من الطنابير وطبعاً اغلى

بى ام زى شركات كتير بتعتبر الجودة والاداء اولوية فبتستخدم انظمة فرامل متطورة جداً دائما ومعتمدة على نظم الديسكات مش الطنابير