أسئلة ملحة للأعضاء الكرام
 

لو سمحتم انا عندي فيرنا 2012 مانيوال كاملة من فترة الازار اللي جنب كرسي القيادة بقى بيطلع بالعافية حاولت اشوف فيه حاجة زنقه عليه ولا لأ لكن مفيش حاجة يعني هو بيطلع كويس لحد النص بعد كدة يبطأ لحد ما تحس انه هيقف لحد ما يكمل للآخر، والغريب انه بينزل بكل سهوله ده اللي يخلي الواحد متأكد انه مش موضوع حاجة زنقه عليه السؤال التاني : انا عايز اعرف لو رشيت اكصدام الفيرنا يتكلف كام ، والجديد منه في التوكيل بكام وشكرا ليكم

رد: أسئلة ملحة للأعضاء الكرام
 

هو كده بوادر ان مكنه رفع الزجاج ضعيفه لانك بتقول انها بتنزل بكل سهوله
عموما حاول تفتح الباب وتزيت مجرى القزاز وان شاء الله المشكله هاتكون بسيطه ومش هاتكلفك كتير

بالنسبه للاكصدام

تكلفه رشه بتختلف من مكان لمكان ولكن هى فى المتوسط هاتكون 75 جنيه لو انت مجيبتش اللون والمصلب
أما لو انت اللى جيبت المون ممكن تحاسبه على 50 جنيه فقط

وللعلم المون لن تتعدى ال25 جنيه لانهم 1-8 كيلو بوهيه ومصلب

اسعار الاكصدامات

أنا معرفش بصراحه هما فى التوكيل بكام ولكن اعرف سعرهم برا التوكيل

الاكصدام الامامى عامل 110
الاكصدام الخلفى عامل 150

الشاسيه اللى تحت الاكصدام سواء امامى او خلفى عامل 100 جنيه