|
سؤال عاجل بجد
السلام عليكم اولا كل عام وانتم طيبين انا جبت العربيه بتاعتى (سايبا برايد 2009) زيرو بقالى سنتين ونص والعربيه تمام اوى معايا بس جت كده من بدايه الصيف او قبله شويه الحراره تعلى فيها الى نص عداد الحراره وممكن تعديه وده اكتر مع التكيف فى الظهر بس من فتره قريبه بقت لمبه الحراره بتنور وهى لسه تحت النص او على النص وكنت بقف او اطفى التكيف لغايه ما تطفى فلو حد عنده حل او يعرف انا اعمل ايه اكون شاكر جدا معلش انا طولت عليكم |
رد: سؤال عاجل بجد
الجزء الاولاني دة طبيعي جدا لأن الزحمة دلوقتي لا دين لها ... و في ظل ترك مصر لكوكب الارض و اقترابها من الشمس و درجة الحرارة اللي مش عاوزة تقل عن 38 ... فالعربية الحمدلله لو فكرت تشغل التكييف مش بعيد تلاقي العربية كلها نورت مش لمبة الحرارة بس ... و هنا يتحدد الاختيار يا انت يا هي ... و يا صحتك يا فلوسك ... و حاول تشيك على الترمومتر بتاعها و تشيك على المراوح و غيره ... بس خد نصيحتي دي و كأني ما قلتش حاجة عشان انا ماشفتش عربيتك و ما شفتش حالتها ... و اي حد يقولك حاجة دي مجرد نصيحة او رأي ... و في الآخر تكشف على عربيتك عشان تبقى عارف عيبها بالظبط :)
|
رد: سؤال عاجل بجد
شوف كفاءه الردياتير و راجع على دوره الميه عند الميكانيكى ...و ان شاء الله خير
|
رد: سؤال عاجل بجد
عندي نفس العربية وحدثت معي نفس المشكلة ولكن مؤشر الحرارة لم يصل الي النصف
اولا قمت بتغيير الزيت ثانيا غسل سربنتينة التكيف والرادياتيرونظافة الموتور بصفة عامة من الزيوت والاتربة هام جدا هذا بافتراض ان دورة التبريد عندك سليمة ومروحة التبريد ومروحة التكيف التي علي السربنتينة تعمل بكفائة ثالثا خلي رجلك خفيفة علي البنزين وهذا مؤثر جدا في حرارة الموتور رابعا في حالة اقتراب مؤشر الحرارة الي النصف اطفي التكيف او حتي السيارة حفاظا علي الموتور خامسا في دليل المستخدم تحذير من استخدام التكيف في الحرارة الشديدة في الطرق المزدحمة والسير البطيء ارجو ان اكون قد افدتك |
رد: سؤال عاجل بجد
اشكركم جميعا على سرعه الرد:120105~352: واتمنى لكم دوام الصحه والعافيه
|
| الساعة الآن 05:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017