مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - نوبيرا مخنوقة (https://www.masrmotors.com/vb/showthread.php?t=94801)

نوبيرا مخنوقة

السلام عليكم: يرجى الافادة عن:
سيارتي نوبيرا 2006 العربية مابتجريش خالص، تجميعها ضعيف جدا (باختصار اي عربية جديدة او قديمة بتسبقني)،لما بكبس بنزين جامد وانا ماشي الRpm مابيزيدش ومفيش تسارع خالص مع العلم ان:
المكنة حلوة و بتقسم.
لما بدوس امباليه بتقفل الRPM عادي جدا.
الشكمان سالك.
لسة مغير فلتر الهواء.
لسة مغير موتور طلمبة البنزين.

برجاء الافادة

رد: نوبيرا مخنوقة

دول شوية حاجات لازم تشيك عليهم

فلتر هوا
سلوك بوجيهات
بوجيهات

لو غيرت سير الكاتينه من مده
يبقى دا عيب تقسيمه
ولازم ينظبط تانى
بوابة الثروتل عاوزه تتنضف هى الايدل بتاعها

وفى حاجه تانيه بس انت مجبتش سيرتها فى شرح المشكله
طقم الدبرياج من ديسك واسطوانه

رد: نوبيرا مخنوقة

اقتباس:

المشاركة الأصلية كتبت بواسطة محمد هشام 2010 (المشاركة 737301)

معايا نوبيرا اوتوماتيك 2003 وعملت معايا كدا بالظبط غيرت بوجيهات والاسلاك بتاعتها ونظفت البوابه وفلتر البنزين وجوان غطاء التكيهات وبرضه لسه المهم روحت لمركز صيانه لقى سلك الكهرباء الارضى مفكوك ربطه وبعدين وصلها ع الجهاز لقى الكنترول بايظ غيرته اتسراد ب 700 جنيه وممكن يتصلح بس بيضرب تانى والحمد لله ظبطت بعدها تمام الكنترول مكانه تحت الفيبر الامامى مقابل للكرسى اللى بجوار كرسى السائق

رد: نوبيرا مخنوقة

لاحظ خروج العادم من الشكمان ممكن يكون فيه دخان أبيض تبقي العربية جايبة موتور أو لو اسود يبقي عند خلل في طرمبة ومجاري زيت الموتور برضو أرجع وأقولك: 1 البوجيهات وأسلاكها تطمن عليها وتشتري نوعها الاصلي لو عايزة تتغير 2 الفلاتر هوا - بنزين غيرهم بالاصلي طبعا الطلمبة البنزين تطمن عليها ( عادي جدا تكون اشتريت واحدة مضروبه) 3 تنظيف بوابه الانجيكشن وتفحص حساس الانجيكشن 4 ظبط تاكيهات وتقسيم دورة الموتور 5 وده احتمال كبير بس خليته للاخر : الديسك والاسطوانه والبلية ( طقم دبرياش) وأنا في الخدمة لو في أي استفسار وطمني عملت أيه