مصر موتورز مجتمع السيارات - أرجو الرد لمن لدية الخبرة بخصوص تيل الفرامل والطنبورة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

أرجو الرد لمن لدية الخبرة بخصوص تيل الفرامل والطنبورة

السلام عليكم ورحمة الله
انا معايا فيرنا كل حوالى 20 الف كيلو الفرامل تبدا ترعش مع الدوسة الخفيفة والقوية وطبعا لحد 100 كيلو تمام لكن بعد كدة لحد 120 الى 130 مثلا بترعش معايا بس مش بصورة خطيرة انما بتوصل لدرجة رعشة محسوسة جدا فى الدواسة وطبعا هتاثر على الدريكسيون المهم انا عارف المشكلة والحل بتاعها لانى عملتها قبل كدة مرة ودى التانية اهه
الحل خرط الطنابير وعارف انها لازم تتخرط عند حد محترم وببطا بس السؤال هنا بقى
انا لما خرطها الراجل قالى لازم تجيب تيل جديد جبت جديد من التوكيل لانى انا التيل بالذات بجيبة من التوكيل حوالى 380
والخرط حوالى 30 الى 40
سؤالى :انا معيش الوقتى مبلغ التيل والتيل الجديد بقالة حوالى 6000 كيلو يعنى لسة حلو وللعلم من التوكيل برضة فهل لو خرط وركبت القديم عادى ولا كدة هترجع الطنابير تتعوج وترعش تانى ولا اية ممكن حد ينصحنى
ملحوظة:انا مبغسلش بمية باردة الطنابير وهى سخنة وبتفادى المية بتاعت المجارى خالص بس هى بتعمل كدة وانا متعايش معاها مش خنقانى من العربية انما اللى واجعنى انها كل ما تتخرط اغير تيل جديد وغالى .......
شكرا لكل من سيجاوب على سؤالى ..!

رد: أرجو الرد لمن لدية الخبرة بخصوص تيل الفرامل والطنبورة

وليه تخرط طنابير كل شوية وتشتري تيل جديد متهيألي احسنلك و أمنلك علي حياتك وعلي بالك انك تشتري جوز طنابير جديدة من التوكيل مع جوز تيل أصلي و اطمن علي العربية وعلي نفسك عموما برضو علشان ابقي رديت عليك اه هتلاقي في مشاكل الرعشة لو ركبت التيل القديم علي الطنبورة بعد الخرط عشان التيل القديم مشيت بيه فترة 6000 كيلو يعني اطبع علي الطنبورة لما كانت بايظة فلما تخرطها هتلاقي التيل مش بيقفش كويس والدواسة بترعش زي الاول

رد: أرجو الرد لمن لدية الخبرة بخصوص تيل الفرامل والطنبورة

طيب ما انا ناوى اعمل كدة لانى الطنبورة الى فى الفيرنا مصرى الصنع بس ناوى مثلا على شهر 12 كدة اغير التيل بالطنبورة طيب هل غلط على العربية الرعشة دى استمر مثلا شهرين تلاتة كدة وعلى العلم انا مسيطر على العربية بنسبة 80 % والباقى بسايسها عشان الرعشة

رد: أرجو الرد لمن لدية الخبرة بخصوص تيل الفرامل والطنبورة

انت اللي سايق وتقدر تحكم بس ياريت تخلي مشاويرك جو البلد وسرعتك ماتعديش 100 علشان انت مش ضامن ايه اللي ممكن يحصل.... ربنا يسترها عليك

رد: أرجو الرد لمن لدية الخبرة بخصوص تيل الفرامل والطنبورة

عادى مش غلط بس الطنابير و التيل هترميهم فى اقرب صفيحة مهملات لما يخرجوا من العربية و بلاش تجرى لحد ما تغير و ربنا معاك.