مصر موتورز مجتمع السيارات - جيت اكحلها عميتها

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - جيت اكحلها عميتها (https://www.masrmotors.com/vb/showthread.php?t=94651)

جيت اكحلها عميتها

السلام عليكم ورحمة الله وبركاتة

حبيت اعمل ناصح واظبط كهربة العربية بنفسى وخصوصا ان الموضوع مش محتاج اكتر من مفك 13 :3mla:
المهم عكيت الكهرباء خاااالص جربت التأخير والتقديم وهى مبطلة واطلع اجرب العربية الاقيها بتسقف برضة مع العلم انى بقالى 3 تفويلات بحط 92 فقط

قولت اجرب وهى دايرة واظبط على اساس صوت الموتور هنا بقى عكيييت الدنيا ونسيت ان التقدم والتأخير بيبقى سنة سنة بسيطة
واخرت الكهرباء على الاخر وقدمتها على الاخر
ونسيت الوضع الصح بتاع الاسبراتير كان فين ورحت مربط على كدة وخلاص :shyy:

المهم العربية لسة بتسقف ومش مظبوطة خاااالص والسحب فى الضياااع واما ابطل العربية بتقعد بتاع ثانيتين دايرة وبعد كدة تبطل

هل فى طريقة معينة لظبط الكهرباء ؟!!
انا لسة عايز اغير بوجيهات وسلوك عشان حاسس ان 90 فى المية السبب منهم
بس عايز بعد ما اغيرهم انا اللى اظبط الكهربا بنفسى
بس مش عارف اية هى طريقة الظبط او بتبقى على اساس اية ؟!!!
هل مجرد انى اقدم اواأخر العربية بمزاجى ولا اما صوت العربية يبقى هادى ولا اية بالظبط ؟!

رد: جيت اكحلها عميتها

متابع :fun_broken:

رد: جيت اكحلها عميتها

جرب سنة سنة

وشوف يمكن تيجى معاك

رد: جيت اكحلها عميتها

اقتباس:

المشاركة الأصلية كتبت بواسطة mhamdy75 (المشاركة 736002)

جرب سنة سنة

وشوف يمكن تيجى معاك

ماهو المصيبة انى نسيت وضع الاسبراتير كان اية قبل ما العب فية :w6w200504112220146b
وبالتالى موضوع سنة سنة دى هيبقى صعب اوى

رد: جيت اكحلها عميتها

بص يا باشا

الموضوع سهل بس عايز شوية تركيز

أول حاجة: العربية لازم تتظبط وهي دايرة

تاني حاجة: الظبط لازم يبقى والعربية سخنة... يفضل بعد مشوار متوسط (8 - 15 كم)

تالت حاجة: هدفك من الضبط 3 حاجات
1- العربية تديك أعلى سحب
2- العربية ما تسقفش
3- لو عندك RPM حاول دايما السلانسيه يبقى عند 800 - 900 RPM ... يعني يدوب أقل من الـ1

رابع حاجة: اعرف مكان مسامير ضبط الهواء والبنزين في الكربيراتير عشان احتمال كبير تحتاجهم

نيجي لكيفية الظبط

1- لما تفك مسمار الربط حركه الوش لحد نص مشواره ما بين أقل نقطة وأعلى نقطة

2- اربط ربطة خفيفة وبعدين دوس "امبليه" يعني دوسة بنزين جامدة وسريعة (ممكن تعملها من كبل الاكسيراتير اللي في الكربيراتير مباشرة... مش من دواسة البنزين)

3- لوسمعت تسقيف حرك الوش في اتجاه تقليل الكهرباء... يعني الاتجاه اللي يخلي صوت الموتور يوطى، ودوس أمبليه

4- لو ما سمعتش تسقيف حرك الوش في الاتجاه التاني، ودوس أمبليه

5- هتفضل كده لحد ما توصل للنقطة اللي قبل التسقيف مباشرة، واربط على كده

لو حسيت إن العربية صوتها واطي أو عالي (الـRPM مش على 800 أو 900)... لازم تظبط الخليط عشان تظبط استهلاك البنزين

هدفك من الضبط إنك توصل لـRPM ما بين 800-900 والموتور مش بيرجرج

وطريقة الظبط هي:

1- روح لمسمار البنزين وزوده أو قلله لحد ما يوصل للـRPM اللي احنا عايزينه

2- روح لمسمار الهواء وحركه لحد ما توصل لأحسن وضع تلاقي الموتور مش بيرجرج

3- يمكن تلاقي نفسك عايز تظبط البنزين تاني

4- يمكن تلاقي نفسك عايز تظبط الكهرباء تاني كمان

يا رب أكون فدتك

وطمنا عملت إيه