|
العربيه دي تحتاج مصنعية سمكره أد ايه
العربيه دي تخشلها ف كام سمكره .. للعلم الجمب اليمين مفيهوش حاجه والشنطه كمان مفيهاش حاجه... هي سقف وكبوت واصدام وفوانيس وجمب شمال.
http://www7.0zz0.com/2012/08/09/08/668936608.jpg http://www7.0zz0.com/2012/08/09/08/760177674.jpg |
رد: العربيه دي تحتاج مصنعية سمكره أد ايه
بص هى بتفرق من سمكرى لاخر -- انا شايف حاجات هتترد - بس الجمب اللي ورا شمال ممكن يقولك محتاجين فخده كامله هتشيل و تلحم وهنا هتظهر المصنعيه --- تقريبا كدا لو صنايعى كويس من 3000 الي 4000 وانت وشطارتك وربنا يعينك ---- معلوماتى (لسه خارج من حادثه طارزه شبه دى والسمكرى طلب منى 3 ونص غير الحاجات اللي اشتريتها ب 3 تلاف ) ربنا يعينك
|
رد: العربيه دي تحتاج مصنعية سمكره أد ايه
بص انت تغير البابين اريحلك وتجيب اكصدام وتشوف بقا لو تعرف تجيب فخده ورا يبقي اريح علشان ترجع العربيه لوضعها بس اهم اهم اهم اهم حاجه الصنايعى
|
رد: العربيه دي تحتاج مصنعية سمكره أد ايه
اقتباس:
انا عاوز اطمنك ان العربيه مش متبهدله اوووى يعنى يعنى الدنيا مش خربانه يمكن الرينو قطع غيارها نار حبتين لكن انا شايف ان شغل السمكره دا كله شغل على الايد ومحتاج واحد فنان مش اكتر وكل اللى مطلوب منه هيشد العربيه بالزرجينه مره واتنين وتلاته ولو حكم الامر يسبها يوم متزرجنه وبعدين الصاج الخارجى دا كله عاوز يتسمكر ويندق باللمبه وشاكوش التطريق وبعدين تنظبط سمكره كويس جداااااا وتروح تاخد بويا على حق ربنا وهتركب العربيه مش هتفرق كتييير خالص عن الاول وبعدين اهلك امها لحد ما تنوى تبيع وتغير لان للاسف العربيه خساره تتركن او تنباع ولو عاوز ناس تشتغل فيها انا من طنطا واعرف ناس بتسمكر كويس جدااا ممكن تصور العربيه بالتفاصيل وتقابلنى فى طنطا يشوفوا الصور ونتفق وبعدين اللى يريحك |
رد: العربيه دي تحتاج مصنعية سمكره أد ايه
ده تصليحها سهل بإذن الله وهترجع تانى زى الفل ربنا يسهل
|
| الساعة الآن 11:49 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017