ارجومساعدتكم فى اسرع وقت وجزاكم الله خيرا
 

انا عندى تويوتا كورولا فبريكه بره زى العروسه ماشاء الله ولكن قدر الله وحصل خبطه خفيفه فى العتب مضيقانى اوى خصوصا ان العربيه مش رشه بره انا عاوز حل يكون كويس وما يبنش اوى انها اترشت انا سالت سمكرى قالى افتح فى العتب فبلاش وبعدين سمعت عن المعجون الفايبر فهل هينفع ولا لا وايه افضل حل اقدر اعمله

رد: ارجومساعدتكم فى اسرع وقت وجزاكم الله خيرا
 

لو هي دي بس.... سيبها ولا ترش ولا تفتح ولا تمعجن عربيتك فابريكا دي ميزة ماتخليش حد يناخورلك فيها .... عادي جد خربوش حكة فعصة ....لو مضيقاك أوي فيه ورش هياكل ممكن تشتغلك فيها بالشفط الهوا... يعني بيركب مجسين كده ويفرغ الهواء بينهم وبين جسم العربية وبعدين بيشد المجسين لبرة فيشد معاه الصاج ويزبط التشوه الموجود ... !

رد: ارجومساعدتكم فى اسرع وقت وجزاكم الله خيرا
 

السلام عليكم

فين يا باشا الناس بتوع الشفط والهياكل دول

انا عندي تقريبا نفس حكه العتب وعايز اعملها وماتبانش ..

ارجو سرعه الرد


شكرا مقدما

رد: ارجومساعدتكم فى اسرع وقت وجزاكم الله خيرا
 

انا متشكر جدا على سرعه الرد يادكتور وياريت حضرتك تعرفنا مكان الورش والطريقه الى حضرتك بتقول عليها دى هى المقصود بيها انه بيلحم فى الخبطه حته معدن ويشدها للخارج بقوه ولا دى طريقه اخرى