مصر موتورز مجتمع السيارات - الفطيــــــرة الايطاليـــة بحشوة الدجاج الخطيييييرة تعالوااااا بالصوررررررر

http://files2.fatakat.com/2012/2/13287184723853.jpg

نشوف المقادير السهلة جدااااااا

بالنسبة للعجينة ...اي عجيييييينة ترتاحليها عجينة الــــ10 دقايق او اي عجينة تحبيها ومتعودة عليها انا هنا استعملت عجينة ال 10 دقايق (وبالمناسبة انا بقلل لها كمية الماية شوية مش بضيف 2 كوب ماء بحط حوالي كوب ونص)

الحشوة:
صدور دجاج مخلية مقطعة صغير او متوسط
فلفل رومي مقطع صغير
بصل مقطع صغير
فصين ثوم مهروس
مايونيز
جبنة موتزاريلا

في الاول خالص هنعمل العجينة ونسيبها ترتاح انا هنا مصورتش خطوات العجينة بس كان لي موضوع عن عجينة منال العالم ودي عجينة رائعة وكمان الشيف لطيفة كفت ووفت في عجينة الـــــ 10 دقايق شوفوا موضوعاتها وكل تكاتها
انا بسيب العجينة ترتاح شوية بعد ماخلصها ودة بيكون افضل وتدي نتيجة احسن

في الوقت دة هنعمل الحشوة

http://files2.fatakat.com/2012/2/13287189556352.jpg

هنصفر البصلة في الزبدة او الزيت(مش نغمقها عشان الطعم ميتغيرش) ونضيف عليها فصين الثوم المهروسين ونديها تقليبة وبعدين نضيف قطع الدجاج المقطعة صغير او متوسط ونسيبها تستوي كويس

وانا بكون عادة متبلة الفراخ وشايلااها في الفريزر بتتبيلة بجد تحفة(بصل كتيييير نااعم يكاد يكون ماية ملح وفلفل وقرفة وحبهان بودرة وورق لورا بودرة وزبادي وثوم)

وطبعا كل مالفراخ تقعد في التتبيلة بتبقي احلي واحلي بس ممكن نشتغل بيها من غير ماتكون متبلة ونضيف برضو كل البهارات الي قلناها عشان تدينا طعم مميز بس لو هنعملها علي طول يبقي منضيفش زبادي

بعد الفراخ ماتستوي هنضيف الفلفل الرومي ياخد تقليبة ويشرب الطعم بس من غير مايتهري

هنشيل الحشوة من عالنار نسيبها تهدي شوية وبعدين نضيف المايوينز حوالي معلقة كبيرة او حسب الكمية وحسب رغبتك

http://files2.fatakat.com/2012/2/13287192999469.jpg

وفايدة المايونيز اولا انه بيدي طعم جميل ثانيا بيخلي الحشوة تمسك في بعضها ومتبقاش مفرفتة

ممكن تقللوا او تزودوا حسب ماتحبوا

http://files2.fatakat.com/2012/2/13287193797396.jpg

هنجيب بقي الصاج او الصينية الي هنخبز فيها نرشها دقيق سميد بالشكل دة(ودة دقيق البسبوسة وبنحطه عشان يخلي الفطاير مقرمشة من تحت ومتعرقش وتطري بعد ماتطلع مالفرن)

http://files2.fatakat.com/2012/2/13287194196686.jpg

هنجيب بقي العجينة بعد ماسبناها ترتاااااح مش كتير عشان ريحة الخميرة متضربش فيها
نفردها علي شكل مستطيل ومش لازم مستطيل بالظبط يعني بس برضو ميبقاش شبه منحرف

ونقطعها بالسكينة بالراحة خطوط متوازية بالشكل دة

http://files2.fatakat.com/2012/2/13287195004388.jpg

ونجيب الحشوة نحطها علي الجنب المقابل للخطوط الي عملناها

http://files2.fatakat.com/2012/2/13287198353752.jpg

ونحط الجبنة الموتزاريلا ولازم يكون عندنا مرونة ياجماعة يعني مفيش موتزاريلا ممكن نستغني عنها وممكن نضيف شيدر الجيش قالك اتصرف والمايوينز كمان ممكن نحط بداله اي جبنة سايلة

http://files2.fatakat.com/2012/2/13287199612151.jpg

ونرفع بالراااحة الجنب المخطط ونقفل بيه عالحشوة ونقفل كويس من كل الجوانب ولو فيه زيادات نشيلها بالسكينة

http://files2.fatakat.com/2012/2/13287199946861.jpg

وندهن الوش صفار بيضة عليه كم نقطة خل وسنة صغيرة نسكافية دايب في شوية ماية صغيرة ودول عشان يضيعوا ريحة البيض خالص وفعلا مالوش اييي ريحة الحمد لله

ونرش كمان حبة البركة لو تحبوها او سمسم... حبة البركة بتدي طعم جميل جدا
دة مقاس كبير وممكن تعملوا حجم صخنوووون زي الي شفتوه فووووق في اول صورة

http://files2.fatakat.com/2012/2/13287200675060.jpg

ونبتدي نخبز باول صاج شكلناه عشان يكون خمر شوية..يعني المهم نسيب الفطاير تخمر كمان بعد التشكيل تلت ساعة الي نص ساعة حسب الجو

ونكون طبعا مسخنين الفرن ونخبز الفطاير علي 200 لحد ماقاعها ياخد لون ذهبي وممكن نفتح عليها الشواية شوية في الاخر

ودة بعد ماطلعت ريحتها جمييييييلة جدااا

http://files2.fatakat.com/2012/2/13287202238352.jpg

شوفوا الجمال ماشاءالله لا قوة الا بالله

http://files2.fatakat.com/2012/2/13287204041851.jpg

وادي السميد ادانا قرمشة جميييلة جدا

http://files2.fatakat.com/2012/2/13287204731408.jpg

وممكن نقطعها صوابع بالشكل دة ظريفة ومحندقة

http://files2.fatakat.com/2012/2/13287205402835.jpg

منقوووووووووول