اوبترا ولا صني ولا النترا (موديل 2007-2008)
 

اخوتي اعضاء منتدي مصر موتورز كل عام وانتم بخير ورمضان كريم
كما عودتمونا دائما بالنصائح فمن سنتين تقريبا ساعدتموني في اختيار عربيتي الاولي دايو لانوس وقعدت معايا سنتين وبعتها وعايز اركب عربية اشيك واحلي واغلي من اللانوس وفي حدود المبلغ الي معايا في المستعمل ان شاء الله معايا رنج الـ 70 الف ومحتار اركب انهي عربية في دول FLASHCar:ff5a34af6efef0e6 43e
اوبترا 2007-2008
النترا 2007-2008
صني 2007-2008
بالترتيب طبعا لازم تكون اوتوماتيك ومش عارف ااخد قرار :shyy:
ياريت الاعضاء تساعدني وشكرا لاحلي منتدي في الدنيا :Wkiss5:

رد: اوبترا ولا صني ولا النترا (موديل 2007-2008)
 

الصني مش حلوة وبذات الشكل القديم منها
الالنترا القديمة مش حلوة برضه
الاوبترا معقولة وممكن تفكر فيها بس المشكلة المشتركة بينهم هما الثلاثة انهم مستعمل
بس انا افضل انك تعمل حاجة من دول
1/ المبلغ اللي معاك تركب بيه حاجة زيرو زي اللوجان عربية فخمة وفيها كل الامكانيات اللي موجودة في الاوبترا والصني والالنترا
2/ تدفع المبلغ اللي معاك مقدم وتجيب اوبترا او صني زيرو افضل منهم كسيارة مستعمل
لذالك انا لا افضل المستعمل مهما كان
ومبروك مقدما :Wkiss5:

رد: اوبترا ولا صني ولا النترا (موديل 2007-2008)
 

بص حضرتك انا شخصيا التلاته بالنسبالي تقريبا زي بعض وكل واحده فيهم فيها مزايا وعيوب وبصراحه مقدرش اقولك فيه واحده احلي من واحده وواحده اوحش من واحده لاني جربت اتنين منهم وهي الصني والاوبترا والاتنين مفيش فرق بينهم كبير إن لم تكن الصني بتتفوق شويه في موضوع التكييف والنعومه وعمر قطع الغيار(مع اعتبار ان قطع غيارها اغلي من الاوبترا) بس بردو الاوبترا تتفوق في وسع الصالون بجانب بردو اني جربت الالنترا 2008 مع واحد صاحبي ولكن بردو يعني التلاته ميفرقوش عن بعض كتير ولكن بما انك هتشتري مستعمل يبقي حالة العربيه نفسها هي الفيصل في التلاته يعني لو لقيت عربيه في التلاته حالتها الافضل يبقي هي الافضل يعني انا مثلا كنت هشتري لانسر او النترا في بداية قراري للتغيير ولقيت النترا ولكن لما لقيت اني الصني اللي قدامي حالتها احسن من الالنترا خدت الصني وسبت الالنترا والحمد لله لحد دلوقتي مفيش اي مشاكل معايا في العربيه

رد: اوبترا ولا صني ولا النترا (موديل 2007-2008)
 

رد: اوبترا ولا صني ولا النترا (موديل 2007-2008)
 

الف شكر ليك استاذ شريف :Wkiss5:لكن انا مش حاطط الجديد في حساباتي لاسباب كتيرة انا كل الي عايزه لو قدامك اختيار تركب انهي واحدة فيهم حالة جيدة اتوماتيك في المستعمل تفضل مين في التلاتة