اشتريت نيسان صني 2005 مستعملة , و عندي شوية اسئلة؟
 

الحمد لله اشتريت نيسان صني مستعملة , و قبل ما اشتريتها وديتها لميكانيكي قال الموتور كويس و وديتها لبنزينة و نفس الكلام.
و بعد ما اشتريتها وديتها ميكانيكي غيرت زيت و بوجيهات و فلاتر و تيل فرامل و طاسات بس في مشكلة........
العربية بتبطل, سالت اللبائع قال ان دا بسبب ان البنزين الموجود في السوق فيه مياه و فلازم انضف الانجكشن باسبراي, المهم نضفته و لسا مجربتش اطلع بيها, لو بطلت بردو يبقي السبب ايه؟
علما ان انا جايب العربية اوتوماتيك ب 60 الف و شكلها عايزة كوبلن يتغير لاني بسمع تكتكة لما احود شمال جامد مع ان البنزينة قالت العفشة سليمة...

رد: اشتريت نيسان صني 2005 مستعملة , و عندي شوية اسئلة؟
 

رد: اشتريت نيسان صني 2005 مستعملة , و عندي شوية اسئلة؟
 

روح اي مركز خدمه معتمد انيسان واطلب انهم يكشفولك علي اعطال العربيه وبعد كده اعمل الاعطال ديه بره عند ميكانيكي نضيف والف مبروك

رد: اشتريت نيسان صني 2005 مستعملة , و عندي شوية اسئلة؟
 

رحت و حالولي مشكلة التبطيل و طلعت طرمبة البنزين لكن طلعولي اعطال تانية ب25 الف
فتيس و مساعدين و تيل فرامل و مقص و كوبلن و علبة دريكسيون مع اني ماشتكتش منهم ولا الميكانيكي قال حاجة

رد: اشتريت نيسان صني 2005 مستعملة , و عندي شوية اسئلة؟
 

انت رحت انهو مركز؟
الاول: التيل لو فى الفرملة مبتصفرش او بتطلع صوت ممكن تستنى علية شوية، لو فية صوت غيرة.
التانى: المساعدين والمقصات وعلبة الدركسيون، نفس الكلام لو فية صوت تزيق او هبد ورزع مع المطبات يبقى تغيرهم - ممكن علبة الدركسيون تتحشى.
الثالث: الكوبلن، انت قايل انة بيطلع صوت يبقى غيرة افضل.
الرابع: الفتيس، فية نتشة او تاخير فى النقل ولا لأ وعلى اساسة تتصرف.

وربنا يباركلك فيها
والسلام ختام