رينو كليو 2005 اوتوماتيك ولا 2008 عادة ؟؟؟
 

السلام عليكم
قدامي عربيتين كليو :
1- واحدة موديل 2005 أوتوماتيك وفابريكة عدا رفرف واكصدام
2- وواحدة موديل 2008 مانيوال ونفس حالة البوية بتاعة الأولانية تقريبا بس زيادة رشة باب من برة
الاتنين 1400 سي سي
والاتنين سعرهم متقارب الأولى بـ45 ألف والتانية بـ47 ألف
أجيب أنهي واحدة ؟
وهل الأوتوماتيك حلو في العربية دي والموديل ده ؟ وأخباره إيه مع التكييف ؟
ولو حبيت أكشف عليهم إيه أفضل مكان قريب من مدينة العبور أو جسر السويس ويكون حنين في سعر الكشف وفي نفس الوقت ثقة يعني هيعرفني كل مشاكل العربية سواء عفشة أو ميكانيكا أو كهربا ؟؟
أرجو مساعدتي للضرورة وجزاكم الله خيرا

رد: رينو كليو 2005 اوتوماتيك ولا 2008 عادة ؟؟؟
 

الصراحه بس ده رايي انا مش بحب عموما الفتيس الاتوماتيك فى الرينو بالذات كل الى بيشتريه بيطلع عليه مشاكل والدليل على كده الرينو ميجان واللوجان البعض اه والبعض لا اما عن العربيه فطبعا ال 2008 انا عارف الموديل ده وده على فكره من الداخل ال 2008 فيها اوبشن اعلى والتابلوه اشيك والفرق مش كتير فراى اتكل على الله وهات الكليو ال 2008 ولو معجبتكش دور برده ممكن تلاقى حاجه احسن :Wkiss5:

رد: رينو كليو 2005 اوتوماتيك ولا 2008 عادة ؟؟؟
 

ألف شكر يا محمد
أنا فعلا ميال للمانيوال أكتر مع إني اتعودت على الأوتوماتيك بس هنعمل ايه

رد: رينو كليو 2005 اوتوماتيك ولا 2008 عادة ؟؟؟
 

فعلا صح بس هنعمل ايه ومعلش مع الوقت هتتعود على المانيوال :Wkiss5:

رد: رينو كليو 2005 اوتوماتيك ولا 2008 عادة ؟؟؟
 

سمعت إن موديل 2005 أوتوماتيك 98 حصان لكن موديل 2008 العادة 75 حصان ! الكلام ده صحيح ؟؟؟
ويا ترى لو موديل 2006 أوتوماتيك هتبقى كام حصان ؟