سترويين AX 1400cc
 

السلام عليكم ورحمه الله وبركاته , الحمد لله وبعد طول مشوار بابا حن واشترالي عربيه ستروين AX 1400 سي سي .. موديل 96 باين

انا اول مره اركب عربيه وتمرمطت في كل حته معاها . مره ميكانيكي ومره كهربائي وخلافه , فانا هاقول المشاكل اللي عندي واللي يقدر علي نصيحه هيفيدني كتير

اولا انا عاوز اعرف اشتري للعربيه دي قطع غيار منين . , وهل فعلا قطع غيارها غاليه اوي زي ما سألت ولا انا روحت مكان الناس اللي فيه اشتغلون . سلك الدبرياج الاستيراد ب 180 جنيه , معقوله ؟ ؟

اهم مشكله عندي هي الحراره وبما اني الحمد لله العربيه جاب وش سلندر مني وانا بتعلم عشان مش عارف ان فيه عداد حراراه اصلا فانا مهتم , . . والمشكله هي ف المروحه لان المروحه ساعات بتبطل لوحدها , كل ما اشتري ترموستات تحرقه , فعملت المروحه ب زرار بس المشكله " ودي غريبه جدااا" اني لما اشغل النور المروحه تفصل . . .

انا عاووز اغير للعربيه كشافات , ممكن تكون بكام , ؟

العربيه وطيه وساعات لو معايا ماما واخواتي او كام واحد من اصحابي وفيه مطب . الاقي الشكمان حك من تحت , ف كدا ممكن ارفع المساعدين ولا ايه الحكايه ؟


احنا عندنا سوبر ماركت ف احيانا بشتري علي العربيه بضاعه . يا تري ممكن تشيل كام كيلو اقصي حد

http://files.fatakat.com/2009/12/1262092571.jpg

رد: سترويين AX 1400cc
 

على ما أظن انها مش اشتغاله لأن العربيه دى قطع غيارها غاليه فعلا عشان كده هتلاقى سعر العربيه رخيص حاول توفق لها من اى ماركه اخرى تتوافق مع عربيتك لو ينفع ويا ترى انت عايز تغيره ليه يمكن نلاقى حلول تانيه
انت محتاج تروح لكهربائى محترم يعرف المروحه ليه ساعات بتفصل لأن واضح ان عند حضرتك ماس فى العربيه
لأ ....انا مقدرش افيد فى حكاية الاسعار ...ممكن تسأل فى قسم الستروين بالمنتدى أو تنزل شارع دمشق او الحرفيين تسأل هناك وأعمل حسابك فى مبلغ محترم
أتأكد الاول ان الشكمان عالى عن الارض بشكل كافى وانه راكب فى الافيز بتاعه ثم بعد كده روح لعفشجى عشان يظبطلك العفشه ان امكن وعادى جدا ان الشكمان يحك فى المطب ...حاول تظبط طلعتك على المطب بحيث تتفادى الحوار ده أو تعلى العربيه