مصر موتورز مجتمع السيارات - طريقة عمل الفلفل المخلل بالصوووووووور

المقادير
انا باعمل كيلو فلفل بس انتي اعملي نص عشان ما يقعدش كتير لحد ما تتودكي كده ماشي
مية و ملح و توم مفروم زي الخيار لو فاكرينه
الطريقة سهلة جدا
اولا هتغسلي الفلفل كويس جدا و تشيلي القمع بتاعه و تفتحيه سنة صغيرة من عند القمع من فوق
http://files2.fatakat.com/2012/6/13406110708317.jpg
بعدين تحطي في البرطمان مية و ملح و التوم الملح يكون اكتر من المظبوط شوية طبعا اتعودنا ندوق المية عشان نظبتها
http://files2.fatakat.com/2012/6/13406111175217.jpg
بعد كده هتحطي الفلفل و تكون المية مغطياه تماما و تقفليه و هو بياخد من اسبوع ل 10 ايام علي ما يتخلل
http://files2.fatakat.com/2012/6/13406111679159.jpg
و ادي الشكل النهائي
http://files2.fatakat.com/2012/6/13406112138465.jpg
نصايح مهمة جدا في تخليل الفلفل
الفلفل بالذات لازم المية تغطيه تماما و اتاكدي انه ما يكونش عايم علي وشها ابدا انا باحط عليه طبق فنجان لو البرطمان واسع من فوق و ينفع ادخل الطبق عشان يغطسه لتحت و لو البرطمان مش واسع ايه الحل
الحل سهل جدا نقي الفلفل الطويل و خليه علي الوش بحيث يتحجز قبل عنق البرطمان و يحجز الباقي تحتيه و املي البرطمان لحد نص العنق
لما يستوي الفلفل كويس تشيليه في التلاجة بس المرة دي بالبرطمان و حاجة مهمة قوي كل لما تاخدي فلفل من البرطمان طبعا بيقل و بيعوم علي وش المية ..ممكن يتهري نعمل ايه نخلي كباية مية و ملح و كل ما ناخد من الفلفل نزود المية زي ما كانت عشان ما يعومش ابدا و ان شاء الله هيفضل ممتاز لاخر واحدة و دول كانوا اخر شوية في البرطمان بصي كده زي اول طبق طلعته فوق ما اتغيرش و لا اتهري
http://files2.fatakat.com/2012/6/13406112882735.jpg
و يا رب اكون افدتكم

منقول